Legenda Abbreviazioni | Legenda Simboli

brufulàgiu , nm: brufularzu, brufurarzu, buferarzu, bufularju, bufuraju, bufurarju, bufurarzu, burvuraju, profurarzu Definizione crunculleu, puzone trinu, de turra, de palatu, unu de is pigionedhos prus connotos, faet meda su niu in is domos puru Sinonimi e contrari afuràrgiu, craculeu, crucúciu, fruferarzu*, frufurinu, mamegherisi, muntonarjari, murinàgiu, pibischirra, poforinu, trinedha, tziria Frasi assora sos brufularzos fint cantendhe ◊ s'at falau unu bolu mannu de bufurarjos in su piatzale cuscuzandhe fasfaruzas Terminologia scientifica pzn, passer hispaniolensis Traduzioni Francese moineau Inglese sparrow Spagnolo gorrión Italiano pàssero Tedesco Weidensperling.

craculèu , nm: crucueu, cruculeu, cruculleu, crunculleu, curculeu, curculleo Definizione s'arratza sarda de su pigione trinu, de turra o de palatu, pigione múrinu o murinatzu: una calidade (passer montanus) faet abbitu mescamente in sa parte prus a mesudie; persona pitichedha / min. crucuelledhu, cruculededhu; fémina crucullea = conchilébia Sinonimi e contrari afuràrgiu, brufulàgiu, crucúciu, fruferarzu, frufurinu, mamegherisi, muntonarjari, murinàgiu, pibischirra, poforinu, trinedha, tziria Frasi is crucuelledhus si funt papendi sa farra chi mi est arruta foras ◊ ndhe at bistu de crunculleos e de isturros cuss'úmbulu!…◊ is crucueus pesendisindi de terra ant fatu una frusialla cun is alas 2. no mi fiat partu berus chi unu curculeuedhu diaici comenti e giaja portàt in corpus totu cuss'aragoni! Terminologia scientifica pzn, passer hispaniolensis Traduzioni Francese moineau Inglese sparrow Spagnolo gorrión Italiano pàssera sarda Tedesco Weidensperling.

crucúciu , nm Definizione s'arratza sarda de su puzone trinu, de turra, de palatu, pigione múrinu o murinatzu Sinonimi e contrari afuràrgiu, brufulàgiu, craculeu, frufurinu, muntonarjari, pibischirra, poforinu, trinedha, tziria Frasi dhoi fiat unu gherrígiu de crucúcius acujendisí ◊ chi dhu cassat, su crucúciu, ndi dhi segat sa conca a límpiu Terminologia scientifica pzn, passer hispaniolensis Traduzioni Francese moineau Inglese sparrow Spagnolo gorrión Italiano pàssera sarda Tedesco Weidensperling.

fruferàrzu , nm: frufurarzu, fuferazu, fufuraju, fulferalzu, furferalzu, furferarzu, furfularju, furfuraju, furfurarju, furfurarzu, fusferarzu Definizione puzone trinu, de turra, de palatu, pigione múrinu o murinatzu, connotu meda ca faet meda su niu fintzes in is teuladas (e fintzes in is matas) Sinonimi e contrari afuràrgiu, bidhisone, brufulàgiu, craculeu, crucúciu, frufurinu, fúrfure 1, mamegherisi, muntonarjari, murinàgiu, pibischirra, poforinu, trinedha, tziria Frasi narant chi sunt andhendhe a catza russa e isparant a sos furferarzos! ◊ su cànticu tou est unu píliu de furfularju pérdiu in d-una temporada mala ◊ duos fufurajos ant carratu lana pro fàchere su nidu 2. est allegru che furferalzu Cognomi e Proverbi prb: fulferalzu in gianna temporada manna Terminologia scientifica pzn, passer hispaniolensis, p. montanus Etimo ltn. furfurareus Traduzioni Francese moineau Inglese sparrow Spagnolo gorrión Italiano pàssero Tedesco eine Sperlingssorte, Feldsperling, Feldspatz.

frufurínu , nm: fulferinu, fulfurinu, furfurinu Definizione s’arratza sarda de su puzone trinu, de turra, de palatu, pigione múrinu o murinatzu; in cobertantza nau de ccn., feminari (furfurinu, paga vida!) Sinonimi e contrari afuràrgiu, brufulàgiu, craculeu, crucúciu, fruferarzu, mamegherisi, muntonarjari, murinàgiu, pibischirra, poforinu, trinedha, tziria Frasi sos furfurinos pienant un'àrvere manna de alas e de càntigos ◊ sos furfurinos si mànigant su laorzu ◊ e finidemindhela, o fulfurinos, custu ciulamentu! ◊ sos fulferinos chirchendhe asséliu punnant a trumadas a sa solzaga Terminologia scientifica pzn, passer hispaniolensis, p. montanus Etimo srd. Traduzioni Francese moineau Inglese sparrow Spagnolo gorrión moruno, gorrión molinero Italiano pàssera sarda Tedesco eine Sperlingssorte, Feldsperling, Feldspatz.

profuràrzu , nm: brufulàgiu, prufurarzu, puburalzu, purferarzu, purfurarzu, pusfurarzu Definizione puzone trinu, de turra, de palatu, puzone múrinu o murinatzu, su crunculleu, unu pigionedhu de is prus connotos ca faet meda su niu in is teuladas Sinonimi e contrari afuràrgiu, craculeu, crucúciu, fruferarzu*, frufurinu, muntonarjari, murinàgiu, poforinu Frasi pusfurarzu, procura su fenu a fàghere nidu! ◊ sos purfurarzos faghent su nidu in sa rundha de sas caberturas ◊ profurarzu e cardellina, totu sunt annenne male! Terminologia scientifica pzn, passer hispaniolensis. Traduzioni Francese moineau Inglese sparrow Spagnolo gorrión moruno Italiano pàssero Tedesco Weidensperling.

«« Cerca di nuovo