Ditzionàriu in línia
de sa limba e de sa cultura sarda

abburrigàre , vrb rfl Definizione afundhare in s'abba, fichire o intrare a modhe, a mesu de s'abba o cosas deasi Sinonimi e contrari abburgare, abburrare, abburrigonare, ammodhiae, impogiare Frasi mi abburrigheit a modhe in s'abba ◊ sas ranas si abbúrrigant in s'abba, timendhe ◊ si devet abburrigare in dogni ludrau s'ànima umana? ◊ si che abburrigheit intro de su pighe ◊ preneit sa tatza abburrighendhechela in su binu Traduzioni Francese couler Inglese to sink, to plunge Spagnolo sumergir Italiano immèrgersi Tedesco tauchen.

aciufàe, aciufài , vrb: aciufari, aciuvai, aciuvare, atzufare 1, atzuvai Definizione intrare a s'abba, calàreche a fundhu (in s’abba o in àteru modhe deasi etotu o meda), afundhare una cosa / aciuvai su fundu a una carrada = bogarebbichelu Sinonimi e contrari afundae, afangare, afungai 1, ammodhigare, aputare, atafai, inciuviri, intofare Frasi si nci aciuvat totu su chi no abarrat apitzus de s'àcua ◊ no passis me ingunis ca sa terra est tropu modhi e nci aciuvas ◊ nci seu aciuvau in sa ní ◊ is bòis atzuvant su bruncu in sa pica ◊ atzufat sos pódhighes in s'abba e si faet sa rughe ◊ nci ant atzuvau is navis comenti dhas ant bombardadas 2. in custu matalafu tropu modhi nci aciuvu Etimo itl. attuffare Traduzioni Francese couler Inglese to sink Spagnolo hundir Italiano affondare, immèrgere Tedesco versinken, eintauchen.

acuadèra , nf Definizione trastu cumbeniosu mescamente de is coghinas inue dhu’est su grifone cun s'abba, fatu cun d-unu paris a pònnere cosa e una o duas bartzitas po pòdere samunare istrégiu o cosas de papare: podet èssere fatu a móbbile o fintzes fabbricau; fintzes su cundhutu po che bogare s'abba bruta Sinonimi e contrari lavandinu Etimo spn. aguadera Traduzioni Francese évier Inglese sink Spagnolo fregadero Italiano lavèllo Tedesco Spülbecken.

afangàre , vrb Definizione calare a fundu in su ludu Sinonimi e contrari aciufae, afundae, afungai 1 Frasi in cussu terrinu no timo de che afangare Etimo srd. Traduzioni Francese enfoncer Inglese to sink Spagnolo hundirse en el lodo Italiano affondare nel fango Tedesco in den Schlamm einsinken.

afundàe, afundài , vrb: afundhare, afunnare Definizione calare o fàere calare una cosa a fundhu in s’abba o àteru deasi; pònnere fundhos, su fundhu a calecunu istrégiu o trastu / afundai una carrada = pònnere su fundhu a sa cuba; afundai un'iscannu, una cadira = pònnere o fàghere su fundhu a unu banchitu o àteru pro sere Sinonimi e contrari aciufae, afangare, intofare Frasi in rocas de nurache che afunno sas raichinas meas 2. at afundhau sa cadiredha a istoja ◊ tenit s'iscannixedhu afundau a nou ◊ at batidu cadreas betzas a las afundhare Etimo ltn. *affundare Traduzioni Francese couler, sombrer Inglese to sink, to dip Spagnolo hundir Italiano affondare Tedesco versenken, versinken.

apussiàre , vrb Definizione su che calare a fundhu Sinonimi e contrari aciufae, isperevundai Frasi si apússiat sa tzertesa in sa paule de su tempus ◊ in percas de ludu si apússiat s'alenu de su coro ◊ sos ammentos si apússiant in su brotzolu de su mare ◊ in d-unu prammu de abba ti apússias! Traduzioni Francese s'enfoncer Inglese to sink Spagnolo hundir Italiano sprofondare Tedesco versinken.

intofàre , vrb Definizione calàre a fundhu, coment'e faendho fossu Sinonimi e contrari aciufae, afundae, afungai 1, ifungutare 2. sunt istigas intofadas in su ludu Etimo srd. Traduzioni Francese s'enfoncer Inglese to sink Spagnolo precipitar Italiano sprofondare Tedesco versenken.

istupòne , nm Definizione genia de aina a ventosa po istupare tubbos chi, po comente podent serbire, si podent tupare, arribbiri Terminologia scientifica ans Traduzioni Francese ventouse, débouchoir Inglese sink unblocker Spagnolo desatascador Italiano sturalavandini Tedesco Ausgußspüler.

sparafundài , vrb: isperevundai*, sparavundai, sperefundai, sperevundai Definizione betare o calare a s'isprefundhu, fuliare atesu; fintzes essire, andhare de no si bíere prus, atesu, a logu chi no s'ischit Sinonimi e contrari apussiare Frasi po sa timoria de sa scumíniga, s'allochiamentu nci dhus sparafundat in su disisperu ◊ tocat a nci sparavundai sa genti mala! ◊ anchi dhu sperevundit sa giustítzia! ◊ tremila passus sperevundau siat su tiau fora de mei! ◊ sperefundau siat in su mari sentz'e fundu! Traduzioni Francese engouffrer, sombrer Inglese to sink Spagnolo arrojar, hundir Italiano sprofondare, inabissare Tedesco in die Tiefe stürzen, versenken, versinken.