arriscàda , nf: arriscara Definizione su arriscare, su fàere un'arriscu Sinonimi e contrari aconcada, arriscamentu, atrivimentu Frasi ibeto de fàere cust'arriscada ◊ un'arriscada si podet pagare cara! ◊ no faciast arriscaras! Etimo srd. Traduzioni Francese risque, hasard Inglese risk Spagnolo riesgo Italiano azzardo Tedesco Wagnis.

arriscài , vrb: arriscare, erriscai Definizione su si pònnere apostadamente in perígulos de àere dannu, de pèrdere, de ndh'àere calecunu male, po tènnere coràgiu o bisóngiu, o po malu cabu chentza fàere contu nudha de su male chi ndhe podet bènnere Sinonimi e contrari aprontai 1, atreviri | ctr. tímere Frasi no ti arrisches in su mare, mancari apas coràgiu! ◊ no si fut arriscau a dhi nai nudha ◊ fut prontu a arriscai sa vida po issu ◊ ti ses arriscau de benni a innòi ◊ no dh'arriscu a bessí cun custu tempus! ◊ addaghi est su mare a foltza noe si ti arriscas che moris in mesu! (Sozu) Cognomi e Proverbi prb: chini no arriscat no piscat Etimo ctl., spn. arriscar Traduzioni Francese risquer Inglese to risk Spagnolo arriesgar Italiano rischiare Tedesco riskieren.

tramesàre , vrb: atramesare, tremesare Definizione fàere calecuna cosa a un'àteru a face manna, cun atza, chentza arrispetu, a prepoténtzia; fintzes pentzare sa cosa, istare pentzandhosidha / tramesare su tempus = impreare bene su tempus, chentza ndhe pèrdere, ma fintzes manigiare bene totu su chi unu tenet (es. dinare, siendha), pentzare bene a comente dh'ispèndhere méngius Sinonimi e contrari atrevire / meledai, penciai, tressemare Frasi no ti trameses, no, a mi fàghere cussa! ◊ marranu chi ti tremeses a bènnere a inoche! 2. canno unu at de si gastare su dinaredhu suo si lu devet tremesare vene prima de l'ispènnere ◊ su vitirinaju aiat imparatu a tremesare sas paràulas chei sas meichinas ◊ aiat incomintzatu a fàchere cantu s'aiat tremesatu ◊ su chi penso e trameso deo mi lu distrues tue! 3. cun su de su mese no bi la faghet a campare ca no ischit tramesare su tempus (G.Ruju) Traduzioni Francese oser, risquer Inglese to risk Spagnolo arriesgar Italiano azzardarsi Tedesco sich erkühnen.

«« Cerca di nuovo