Ditzionàriu in línia
de sa limba e de sa cultura sarda

badhài , vrb: badhari, ballae, ballai, ballare Definizione mòvere cun crabbu a sonu de sonete o de boghe, a dillu, po divertimentu; nau de s'ària, fàere coment'e a tremidura de su sole forte, o nau de cosa chi iat a dèpere istare firma, mòvere a tremidura, èssere pagu firma, a su move move Sinonimi e contrari dansai, istripizare, trinchitare / mòere, trèmere Modi di dire csn: ballare a sa tzivile = b. su ballu furisteri, chi est a cópias afranzadas (su ballu sardu est ballu tundhu, fintzas si si ballat a cópias puru, sos chi intrant a mesu); badhai che bagadius in festa = a piaghere, a cusséssia; fàghere b. sa perigoldina = donai un surra de si ndi arregordai; ballàresi in punta de agu = no ischire inue ndhe istare de sa cuntentesa; isse si cantat e isse si bàllada = fait totu cussu, scartedhu e cadinu (nadu mescamente de chie si cret unu pagu tropu o no cheret a neune); istare a su balla balla = a su moe moe, pagu frimmu; badhau mesunoti = comente passat mesanote, coladu mesanote Frasi in sa festa, in pratza, dhoi agatas genti badhendi ◊ fortza, piciocu: andeus a badhai! ◊ comenti fuant ballendi est passau su cummunigae, ma nemus si est imbanugau e sighiu ant a ballae 2. s'àghera si biet ballandhe: ite calore chi b'at! ◊ li ballat su terrinu in pes, de cantu est bella ◊ de su fritu li ballant sas dentes ◊ custa mesa ballat: depet zúghere unu pè in bóidu ◊ su tauladu ballat unu pagu Etimo ltn. ballare Traduzioni Francese danser Inglese to dance Spagnolo bailar Italiano ballare Tedesco tanzen.

bàdhu , nm: ballu Definizione movimentu de sa carena a sonu de sonete o a boghe (dillu) po divertimentu: su ballu sardu est prus che àteru tundhu, fatu in medas chi si giaent sa manu e serrant a inghíriu, fintzes si faet a ballare a duos a duos, ómine e fémina chi intrant a mesu, e a bortas sa cadena si podet apèrrere a filera manna currendho e apustis si torrat a serrare a cricu / min. badhitu, ballitu / genias de ballu: sa bechirina, su chimbirinu, su durdurinu, fiura bagaria, su b. de su mucadori, su b. ’e carena, su b. ’e bogai, b. gabbillu, su b. obbrigau, spinellu, su passu torrau, su b. lepurinu, brichidhi nuoresu, mediana pipia, b. trincadu, b. strisciadu, b. cantadu, sa mamojadina, sa dantza de su duellu, su b. de su ferreri, b. macu, puntu de òrganu, su b. froriu, sa bagadiedha, s'arrosciada, b. travadu, b. topu / b. de s'imbarcatzioni = ballu chi, a logos, si costumàt a fàere ananti de sa crésia, acabbada sa missa; b. tzivile = ballu furisteri (nadu fintzas de sa mata apare), crétidu menzus, azummai coment'e chi su ballu sardu no siat tzivile Sinonimi e contrari dansa, imballu, istrepizu Frasi daghi intraiat in ballu, sas ancas li andhaiant cun d-una lestresa chi betaiat pore ◊ gei no mi ant a biri in su corru de su ballu, no! ◊ pro che istrampare sa gana nos fachimus unu ballu! 2. a ti ndhe as fatu de ballu civile… ca fis avesa a tipu signorile a divagare de onzi manera! (A.Puddu) Cognomi e Proverbi prb: is ballus de carnevali si prangint in Carésima Terminologia scientifica sntz Etimo itl. Traduzioni Francese bal Inglese dance Spagnolo baile Italiano ballo Tedesco Tanz.

dànsa , nf, nm: dansu, dantza, dassa Definizione genia de ballu; sa dantza est fintzes una genia de bobboi chi curret lestru lestru asuba de s'abba apojada firma / sa dantza de su duellu; min. dassita = dillu Sinonimi e contrari badhu, indànsia / andaciana, dantzana, giogulana, pischeri Frasi su dansu ballat in punt'e ischina, che unu balladore faghet s'anca (A.Tidore)◊ lis at sonadu una dassa trinchitada ◊ intrant a ballare e fateint sete o oto dassas Traduzioni Francese danse Inglese dance Spagnolo danza, baile Italiano danza Tedesco Tanz.

dansài, dansàre , vrb: dantzai, dantzare, dassare 1 Definizione mòvere cun totu sa carena a sonu de sonete (o de boghe, a dillu) po divertimentu Sinonimi e contrari badhai, istripizare Etimo itl. Traduzioni Francese danser Inglese to dance Spagnolo bailar Italiano danzare Tedesco Tanzen.

sciampitài , vrb: isciampitai Definizione fàere sa sciampita, mòvere is cambas coment'e ballandho, fàere is passitedhos de su ballu, fàere genia de giogos cun su ballu Sinonimi e contrari aciapitai, atzopitai, brinchitare, istripitare Frasi sciampitat sa cónduma e faint s'anchita e su passu torrau (A.Cannas)◊ ci fiat essiu cuntentu e sciampitendi ◊ no sciampitat foras unu pipiu ca est tempus mau ◊ beni a mesu de su ballu ca ti fadeus biri comenti si sciampitat! ◊ is pobidhas sciampitendisí su paneri e nosu ingunis! 2. fatzu unu ballu de cussus sciampitaus Etimo itl.t zampettare Traduzioni Francese danser la danse sarde Inglese to have a sardinian dance Spagnolo bailar el baile sardo Italiano scambiettare Tedesco Kreuzsprünge machen.