Ditzionàriu in línia
de sa limba e de sa cultura sarda

ammarturàu , pps, agt: ammarturiadu, marturau Definizione de ammarturai; chi est sèmpere malàidu meda Sinonimi e contrari màlturu / isbagazadu 2. fut ammarturau: de otu annus no si podiat movi de aundi fut crocau ◊ dhu'iat un'ómini ammarturau a is cambas de candu fut nàsciu 3. semus totu ammarturiados de su viazu longu ◊ minadoris e minieras funt una parti manna de s'istória de sa terra nosta ammarturiada Traduzioni Francese infirme Inglese chronic patient Spagnolo enfermo crónico Italiano malato crònico Tedesco chronischer Kranker.

anciulía , nf: antzulia Definizione maladia chi no lassat mòvere, chi faet a dolore a si mòvere, de istare arrimaos; maladia mala a sanare, chi tirat a longas, chi no sanat, marturia Sinonimi e contrari càncara, ciancanu / ciaca, indema, marturia Frasi s'antzulia de sa betzesa: cun d-unu ladu sicu e in sa cadrea cun sas rodas! 2. apo passadu prus de annu e mesu de antzulia in domo ◊ consola onzi suferente, su chi suspirat in s'antzulia ◊ pro cantu sia abbituadu a bívere in antzulia, baranta oto dies chi so in su letu sunt medas etotu Terminologia scientifica mld Traduzioni Francese ankylose, maladie chronique Inglese ankylosis, chronic illness Spagnolo anquilosis, enfermedad crónica Italiano anchilòsi, malattìa crònica Tedesco Ankylose, chronische Krankheit.

crónicu , agt Definizione nau de male, chi est malu a sanare e sighit Traduzioni Francese chronique Inglese chronic Spagnolo crónico Italiano crònico Tedesco chronisch.

maltóriu , nm: martória, martóriu, martúriu Definizione prus che àteru si narat po sufrimentu mannu de maladia longa chi indebbilitat e betat a terra, po sa maladia etotu; fintzes sufrimentu chi si afrontat po un'ideale, po una fide: si narat puru po persona màrture / is martúrius = mamudinu, su sonu airadu chi faghent in crésia cun matracas e forrigajolas in chenàbura santa, e fintzas una de sas funtziones Sinonimi e contrari malturítziu, marturatzoni / màlturu Frasi isse sulleviat dogni martóriu 2. su cuntzetu sou no lu negat mancu pro su martúriu, antzis l'at a mannesa e ndhe dat prou 3. fit vetza e ammorgodhata, mesu martúria dae sos nérvios de sos grenucos chi no li reghiant prus ◊ Zesugristu at sanau unu martúriu chi li ant batiu in su letu 4. su mércuis santu alluenta tréixi candelas e is preris apalas de s'altari cantànt is martúrius: a dónnia salmu isturànt una candela Etimo ltn. marturium Traduzioni Francese affaiblissement, aveulissement Inglese chronic physical enfeeblement Spagnolo debilitamiento crónico Italiano infiacchiménto fìsico crònico Tedesco chronische Entkräftung.