Ditzionàriu in línia
de sa limba e de sa cultura sarda

alenigúrtzu , agt Definizione chi torrat àlidu a pelea, chi torrat àlidu impresse, assupandho Sinonimi e contrari assubentau, catragnadu Etimo srd. Traduzioni Francese poussif Inglese breathless Spagnolo jadeante Italiano bólso Tedesco kurzatmig.

isartigàdu , agt: esaltigadu Definizione chi est a assúpidu forte po àere curtu meda / acudiri, cúrrere, pigare, andhare i. = andhare impresse meda Sinonimi e contrari afaundadu, spentimau Frasi addaghi li ant aporridu sa segurtànsia ndh'est bénnidu isartigadu fatu! (G.Ruju)◊ apo intesu su tzocu de sa ruta e che so curta isartigada ◊ a sas voghes sunt curtos isartigados totu sos bighinos Traduzioni Francese essoufflé Inglese breathless Spagnolo jadeante Italiano trafelato Tedesco keuchend.