Legenda Abbreviazioni | Legenda Simboli

carraciòla, carraciólu , nf, nm: carratzolu, carriciola Definizione carradedha pitica, cubedhutzu Sinonimi e contrari cubiciola, cupoto, fascella Frasi ite arrore, ti ant asciutu sos carratzolos cussos imbreagones!◊ tenit unu carraciolu de binu bonu ◊ aggarrat una berrina e ponet manu a su carratzolu ◊ at batiu unu carratzoledhu de binu ◊ apu postu su binu in is carraciolas in mangasinu Terminologia scientifica stz Etimo srd. Traduzioni Francese tonnelet Inglese small barrel Spagnolo barrica Italiano botticèlla Tedesco kleines Faß.

carràda , nf Definizione istrégiu mannu de linna, fatu a doas, cun duos fundhos agiummai sèmpere tundhos, po pònnere binu; nau unu pagu a befa, ómine o fémina grussatzos, bàscios e prenos, grassos / min. carradedha, carradedhu = cubedha; partes de sa carrada: is fundhos, sa còrpora, is doas, is cricos, su màfulu, su tingiosu, su tapu, su grifone Sinonimi e contrari cua 1 Modi di dire csn: fai s'inginna a is carradas = fàghere s'incrasta a sas doas pro pònnere sos fundhos; c. malàdia = chi tenet pecu, chi ponet tastu a su binu; bèndiri is bíngias pro comporai carradas = fàghere cosas chi no rezent ritzas, chi no tenint sétiu Frasi annada bella de àxina: ocannu apu prenu totu is carradas ◊ no bendas is bíngias po comporai carradas!◊ custa carrada est cumentzada e de innòi a pagu su binu ndi dhu bogu a un'istrexu prus piticu Cognomi e Proverbi smb: Carrada Terminologia scientifica stz Etimo itl. carrata Traduzioni Francese tonneau Inglese barrel Spagnolo pipa Italiano bótte Tedesco Faß.

carradédhu, carradéllu , nm: carradellu Definizione carradedha, cuba pitica; genia de tzuca, crucuriga po binu Sinonimi e contrari carraciola, cubedha, cubedhu / cdh. carratedhu Frasi su binu chi faghimus nois cabet in duos carradellos e una mesina Etimo itl. car(r)atello Traduzioni Francese tonnelet Inglese small barrel Spagnolo barrica Italiano pìccola bótte Tedesco kleines Faß.

cúa 1 , nf: cuba, cube 1, cupa 1 Definizione istrégiu mannu a pònnere binu, fatu a doas de linna arcadas unu pagu e poderadas impare cun cricos de làuna, a duos fundhos incasciaos in is doas, tundhos o prelongaos, e de manera chi abbarrat prus largu in mesania tra fundhu e fundhu; una carrada segada in mesania; genia de ammontu de su carru, fintzes is costanas curtzas / min. cubigedha Sinonimi e contrari carrada / tina Modi di dire csn: pònnere a modhe, istanzare sa cuba; ufradu che c. (nadu de unu) = a casidhu, primmadu meda (ma, nadu de nues, gàrrigas de abba, apunta a betare); fagheresiche che c. (manighendhe) = satzaisí meda; bíere mortos in sa cupa = agatai ossus in sa frisciura, biri su chi no dhoi est Frasi andhaiant a bufae a magasinu de sas cuas de su binu finas a bíere su fundhu ◊ tui ti fais axedu sentza de ti ghetai a cuba ◊ sas cubas prenas si ponent corcadas e cotadas a un'ala e àtera pro arreare frimmas ◊ sa cuba mala faghet binu aghedu 2. is cubas de su carru portant unu língiu de bàsciu e unu de susu e una trebidroxa po dhas aguantai firmas Terminologia scientifica stz Etimo ltn. cupa Traduzioni Francese tonneau Inglese barrel Spagnolo cuba, tonel Italiano bótte Tedesco Faß.

cubèdha , nf Definizione carradedha, cuba pitica, istrégiu de linna (castàngia o tziníbiri) po su binu o s'abba de pigare a su sartu; carradedha a pònnere binu Sinonimi e contrari cubedhu, fascella Terminologia scientifica stz Traduzioni Francese tonnelet Inglese small barrel Spagnolo tonel Italiano pìccola bótte Tedesco kleines Faß.

cubédhu , nm: cuedhu Definizione carradedha pitica, fintzes a unos chentu litros, o fintzes minore meda (cubedhutzu) po mantènnere binu o abba in friscu; lacu de mola / min. cubedhutzu / cubedhu de campana = zenia de petzu a ue si apicat sa campana Sinonimi e contrari carradedhu, cubedha, fascella Cognomi e Proverbi smb: Cubeddu Terminologia scientifica stz Traduzioni Francese tonnelet Inglese small barrel Spagnolo tonel Italiano pìccola bótte Tedesco kleines Faß.

incubàe, incubài, incubàre , vrb: incupai, incupare Definizione pònnere su mustu in su cubone a budhire, pònnere su binu in sa carrada (cuba); ufrare, essire ufrau che una cuba de s'arrennegu, de su fele (nau de animales mannos – boes, bacas – fintzes mòrrere de ufradura po àere papau erba isciusta in beranu) Sinonimi e contrari incubonare / acubare, afenare, inchibberare, ufiare | ctr. iscubonare, scupai Modi di dire csn: incubare calore = collire caentu meda, imbudhighinare e tratènnere su calore; incubare una maladia = collire intzimia de maladia, finas a candho sa maladia no si paret bene Frasi su bingiateri at binnennau e incupau su mustu 2. gasi, incubendhe fora de sentidu, si únfiat tantu, si únfiat, mischina, chi ruet morta crebada in fiancu (Limbaresu)◊ si li sunt incubadas sas bacas e ndhe li at mortu puru 3. no ghetu mexina a su mustu incubau, su fatu e cracau po no guastai (F.Pischedda) Etimo srd. Traduzioni Francese entonner Inglese to barrel Spagnolo encubar Italiano imbottare Tedesco in Fässer füllen.

«« Cerca di nuovo