Legenda Abbreviazioni | Legenda Simboli

acocoàdu , pps, agt: acocoau Definizione de acocoare; chi est pitichedhu de carena, chi paret unu cocoi, unu tzintzigorru, fintzes chi est allorigau che cocoi Sinonimi e contrari bàsciu 1, minoredhu, pitiarredhedhu 2. colorus acocoaus gosant tébidu soli Terminologia scientifica zcrn Traduzioni Francese petit de taille Inglese little Spagnolo bajo, pequeño Italiano piccolino Tedesco klein.

chínciu , nm: chintu, chintzu, chitu, chitzu, cinsu Definizione su tretu de sa carena de su cristianu in mesania, totu a inghíriu e unu pagu prus fine / gherrare a chintzu, leare, aferrare a chitu partidu = cun sos bratzos betados a inghíriu de su chitu de s'àteru, zogare a istrampadas Sinonimi e contrari chintzale, cintroxu, sintzu / tzinta Frasi su chitzu sou no est prus sútile ◊ bi fit su fàmine a chintu ◊ sunt zocandhe un'istrumpa a chitu partidu ◊ de chintzu est bèni fata, cussa picioca ◊ cussa picioca giughet su chintu che anedhu ◊ aciuvau in s'àcua fintzas a chintzu, coberat músculus cun is peis Terminologia scientifica crn Etimo ltn. cinctus Traduzioni Francese taille Inglese waist Spagnolo cintura Italiano vita (parte del còrpo) Tedesco Taille.

iscarpedhónzu , nm Definizione su iscarpedhare, trebballu chi si faet a iscarpedhadura Etimo srd. Traduzioni Francese taille, incision Inglese chiselling Spagnolo cinceladura Italiano scalpellatura Tedesco Meißeln.

tàlla , nf: tàllia Definizione tràgiu, usàntzia de bestire; mannària, misura de unu bestimentu (ma fintzes de sa carena) Etimo itl. Traduzioni Francese taille Inglese size Spagnolo talla Italiano tàglia Tedesco Größe.

tamàgnu , nm, nf: temagna, tamanu Definizione sa mannària de sa carena: si narat fintzes de sa persona po is calidades Sinonimi e contrari carenale, petza 2 / mannària / paramiche, parívile, pèrpere Modi di dire csn: fàchere, sichire a unu tamanu = a sa sighida, chentza sessare, totu a una tèmpera; èssere de su matessi tamanu = chepare, de su matessi andhare, de sa matessi idea; èssere a unu tamanu = de sa matessi manera Frasi sunt totos duos de sa matessi temagna 2. sunt duos ladros de sa matessi temagna 3. su dellúbbiu universale est abbarrau baranta dies totu a unu tamanu ghetandhe abba a cartos ◊ chi sichies de custu tamanu no nche bocaes capu bonu ◊ sa bida sichit a su matessi tamanu de cada die Etimo spn. tamaño Traduzioni Francese taille Inglese height Spagnolo estatura, talla Italiano statura Tedesco Größe.

«« Cerca di nuovo