Ditzionàriu in línia
de sa limba e de sa cultura sarda

arredutósu , agt: redutosu Definizione nau de ccn., chi istat in pentzos, chi no est seguru, chi no est decídiu po calecuna cosa Sinonimi e contrari dudosu, duritosu, imbalacau | ctr. securu, tzérrimu Etimo srd. Traduzioni Francese hésitant, indécis Inglese wavering Spagnolo titubeante Italiano esitante, irresoluto, indeciso Tedesco zögernd, unentschlossen.

dudósu , agt: dutosu Definizione chi no est tanti seguru, chi est in pentzos, ma nau fintzes de cosa chi no si tenet segura Sinonimi e contrari arredutosu, dubbidosu, imbalacau, meledosu | ctr. securu Frasi tocat a cunfessai is pecaus certus po certus e is dudodus po dudosus ◊ si est po mimi, andaus mancai siat cras: est issa chi est dutosa! Etimo spn. dudoso Traduzioni Francese hésitant Inglese hesitant, puzzled Spagnolo titubeante Italiano titubante, perplèsso Tedesco unschlüssig, unsicher.

duritósu , agt Definizione chi ndhe tenet duritu a fàere o nàrrere calecuna cosa, unu pagu tra bregúngia e arrespetu, chi ndhe dhi paret unu pagu male Sinonimi e contrari arredutosu, duritadu, lunatzu | ctr. carietadu, ibbregungiau Frasi so duritosu a li fagher ispèndhere totu cussu, ca no ndhe podet ◊ s'ómine si est abbizadu chi sas istranzas fint duritosas e guvardas e sentza imbaru las at dimandhadas Etimo srd. Traduzioni Francese hésitant Inglese reluctant, hesitating Spagnolo reacio Italiano restìo, titubante Tedesco befangen, gehemmt.

massimósu , agt Definizione chi no si paret tanti seguru, chi dhue ponet dúbbiu in is cosas, no si fidat Sinonimi e contrari dubbiosu, dudosu, meledosu | ctr. securu Frasi ses massimosu, no mi cres a su chi ti so nendhe ◊ ndhe so massimosu: no isco si bi l'apo a fàghere ◊ gai za mi fit nendhe, Fulanu, ma deo so massimosu! Traduzioni Francese incertain, indécis, hésitant Inglese uncertain Spagnolo incierto Italiano incèrto, insicuro Tedesco unsicher.

meledósu , agt Definizione chi est o istat in pentzos, a su pentza e torra, pagu seguru Sinonimi e contrari arredutosu, dubbidosu, dudosu | ctr. securu Frasi meledosu mi arreo in sussegu, mi artzudhit solu a su pessamentu Etimo srd. Traduzioni Francese incertain, indécis, hésitant Inglese doubtful Spagnolo incierto Italiano incèrto, titubante Tedesco unsicher, unentschlossen.