Ditzionàriu in línia
de sa limba e de sa cultura sarda

calafóju , nm: calavoju, colovoju, corovoju, corovozu, gorovoju Definizione fossu mannu coment'e gruta, úrbidu malu; logu de tupas, de malesa craca Sinonimi e contrari calafossu, colovone, ingurtidorju, iscafada, iscaravossu Frasi si sunt isperrumados in sos calafojos (T.Rubattu)◊ apo trouladu in d-unu palinzu e rutu che so in d-unu corovozu chi aiat fatu s'abba (N.Motzo) 3. sas tantas cosas bellas chi mi nesint in s'onore mi ant fatu colovoju! Terminologia scientifica slg Etimo srd. Traduzioni Francese ravin, gouffre Inglese gorge Spagnolo barranco Italiano burróne, inghiottitóio Tedesco Schlucht.

calancòne , nf: coloncone Definizione calanca manna, ma mescamente buidu mannu in logu de orrocas Sinonimi e contrari gruta, ispérruma, pèlcia, péntuma, scabiossu, strampafossu Frasi at cuau sa ciai in su calancone ◊ unu coloncone in su muru fachiat de armarju 2. Deus, chi salvat sos bonos ladrones, lassat perder sos Giudas ostinados, ch'etat sos tzegos in sos calancones (P.Casu)◊ crabitos e anzones che ruent in su calancone Traduzioni Francese gouffre, antre Inglese chasm Spagnolo vorágine, abismo Italiano voràgine, antro Tedesco Abgrund.

garrópu , nm, agt: carropu*, goropu, gorropu, irgorropu, sgarropu Definizione buidu mannu, mescamente inue dhue at orrocas, inue che intrat o ndh’essit s'abba, aperta manna o fintzes una genia de canale fungudu meda cun orrocas artas, fossu mannu prenu de abba in is errios; mulinete de bentu o de abba, abba apaulada e fossu fungudu; nau de gente, chi giughet is palas ingobbedhadas Sinonimi e contrari barrocu, isciusciu, ispéntimu, scabiossu, spérruma, trabentu, tuvone / bàtiga, fògia 1, gurgu 1, pógiu, trógliu / abbajonadu, aggobbedhau, giumburudu, rumbosu, tzumbosu Modi di dire csn: bènnere gorropu = essiri su tzúmburu, sa gobba (a unu); bufai a garropu = totu a unu corpu?, a bruncu?; paligorropu, paligorropa = palidortu, palidorta, dortu, dorta a palas Frasi su gorropu est totu istampos, galarias, ischinas intorticaas, locu iscussertu e male traganau ◊ istichiu interi montes, gorropu misteriosu, privau de orizontes, locu secretu e malu a l'acatare ◊ in custu logu su frúmmini est fundudu, nci at unu garropedhu ◊ camminàt a tzopu poita ndi fut arrutu de asuba de unu garropu 2. su tempus, is dis nci dhas ghetat a sa sighia a su garropu de sa memória 3. a betzu tue benis gorropu Traduzioni Francese ravin, gouffre, crevasse Inglese gorge, cleft whirlpool Spagnolo quebradura Italiano fórra, górgo, crepàccio Tedesco Klamm, Strudel, Wirbel, Riß.

ingorropàre , vrb Definizione betare in calecunu gorropu Sinonimi e contrari impelciare, incalancare, ingarghilare Etimo srd. Traduzioni Francese jeter dans un gouffre Inglese to sinkhole Spagnolo echar en un barranco Italiano infoibare Tedesco in eine Doline werfen.

ingurtidórgiu , nm: ingurtidorju, ingurtidroxu, ungutidroxu, ingurtitorju Definizione sa canna de su gúturu inue passat su chi si papat o bufat de buca a s'istògomo; gruta manna, buidu mannu chi che calat a fundhu in is orrocas Sinonimi e contrari aghentolu, bilguzu, gaigastolu, gorguzu, ingollidosu, ingrastolu, ingullidorzu, ugrullu, valgastolu / alguena, garguena / gorovoju, imberghidorju, impercadorzu Terminologia scientifica crn, slg Etimo srd. Traduzioni Francese œsophage, gouffre Inglese esophagus, pothole Spagnolo esófago, donde afluyen las aguas Italiano esòfago, inghiottitóio Tedesco Speiseröhre, Schlund.

irjacàda , nf Definizione genia de buidu mannu in s'orroca Sinonimi e contrari calancone, ispéntimu Frasi in su paris ube fit istada cumposta sa piatza aiat acatau un'irjacada manna a ghetu de ch'intrare s'ómine Etimo srd. Traduzioni Francese gouffre Inglese abyss Spagnolo abismo, sima Italiano voràgine Tedesco Abgrund.

ispéntimu, ispéntuma , nm, nf: ispéntumu, spéntima Definizione prus che àteru, logu de orroca arta meda o fintzes buidu chi calat a fundhu, aintru de is orrocas, in sa terra Sinonimi e contrari calancone, gruta, gúrguru, iscafada, isperdicadorju, ispérrulu, ispérruma, istrunfu, péntuma, scabiossu, strampafossu, tràdhia, trocu, úbridu Frasi sa terra si li fit abberta innantis lassèndhelu in s'oru de un'ispéntumu ◊ fipo supra de un'ispéntumu artu annotendhe sa cane ◊ ne murus, tzirvas e ispéntimus ti firmint! ◊ nche los ant impercaos a s'ispéntuma Terminologia scientifica slg Etimo srd. Traduzioni Francese gouffre, précipice Inglese crag, ravine, gulf Spagnolo abismo, barranco Italiano voràgine, burróne, precipìzio Tedesco Abgrund.

isprefúndhu , nm: isprofundhu, sparavundhu Definizione logu pentzau in fundhu meda, prus che àteru coment'e iferru, logu de ànimas malas; buidu mannu, fundhudu / sa missa de s'isprofundhu = sa missa chi narant a unu mortu chi a cantu paret no tiat àere tentu ancora pasu in s'àteru mundhu e tiat èssere in ziru che ànima mala… Sinonimi e contrari iferru, ispéntumu, paravundu Frasi che ndhe lampas medas in s'isprefundhu, tue! ◊ dai sos ojos mi fuit sa lughe e paret ch'isprofundha in s'isprefundhu (S.Casu)◊ sos montes si ant a isòlvere che sale in s'isprefundhu ◊ so pedindhe a Deus chi no mi che mandhet a s'isprofundhu 2. àteru bi as de bogare a pizu dai s'isprofundhu de sa faltzidade?! Etimo srd. Traduzioni Francese gouffre, abîme Inglese abyss Spagnolo abismo Italiano bàratro, abisso Tedesco Abgrund.