Ditzionàriu in línia
de sa limba e de sa cultura sarda

freadúra , nf: friadura Definizione sa carre bia comente si podet bíere a parte de fora in sa pedhe arrasigada cun calecuna cosa chi istat a su friga friga; dannu, guastu bastat chi siat Sinonimi e contrari costana, frazadura, gliaga, ilfiodha, ingheta, iscaldidura, iscolvu, piticada, piticadura / malandra, tocadura Etimo srd. Traduzioni Francese plaie, écorchure, frottement, abrasion Inglese rub (bing) Spagnolo matadura, daño Italiano guidalésco, fregatura Tedesco Druckschaden, Kratzer.

friàda , nf: fricada, frigada Definizione su frigare; fintzes síngia, singiale de cosa chi ant passau a frigadura Sinonimi e contrari frigamentu, sfrigongiada / sburroni Frasi una frigada de luminu… e allutu su fogu! 2. subra de custa riga bi ant fatu frigadas de pinna Etimo srd. Traduzioni Francese frottement Inglese rub Spagnolo pasada, frote Italiano strofinata Tedesco Reiben, Kratzer.

fríca , nf: friga Definizione su frigare, ma nau prus che àteru in su sensu de pelea o fintzes de ingannu (o cropos puru) Sinonimi e contrari arrebbentu, cadha, impodha, mugna, munziada / frigadura Modi di dire csn: torrai a friga = torrai paris, currispòndhere de una cosa a un'àtera; andai in frigas = essíreche cale goi cale gai, su contràriu de torrai a friga; gi andaus a friga!… = gei andaus paris!…, no cuncordamus própiu; intrare in frica = àere ganas de… portai idea de…; èssere in frica = timindhe Frasi aiat picau una frica a cama de sole ◊ in iberru su pastore istat pejus ca picat fricas malas 2. o a mesura o a pesu bois faghides sa friga! 3. gei torraus a friga!…◊ andaus in frigas: no mi at cumpréndiu! ◊ andaus in frigas: no fait a dhi nai nudha! ◊ custos pilocos sunt tropu premmedios po intrare in frica de família Traduzioni Francese duperie, frottement Inglese overwork, rip-off Spagnolo reventón, estafa Italiano strapazzo, fregatura Tedesco Strapaze, Betrug.

frigaméntu , nm Definizione su frigare Sinonimi e contrari frigadura, frigavriga, frigóngiu, ifrigatzamentu, sfrigóngiu Frasi su pisci fait un'ispétzia de frigamentu ghetendi is ous Etimo srd. Traduzioni Francese frottement Inglese rubbing (continuos) Spagnolo frotamiento Italiano sfregaménto, strofinìo Tedesco Reibung.

frigavríga , nm, avb Definizione su frigare, su istare frigandho / istare o andai f. = sempri acanta, tochendi Sinonimi e contrari frigadura, frigóngiu, ifrigatzamentu, sfrigóngiu Etimo srd. Traduzioni Francese frottement Inglese rubbing (continuos) Spagnolo frotamiento Italiano strofinìo Tedesco Reiben.

frigóngiu , nm: frigonzu Definizione su frigare cosa a tantas bortas Sinonimi e contrari frigamentu, frigavriga, ifrigatzamentu, isfrigatzadura, sfrigóngiu / cdh. frigugnu, friugnu Etimo srd. Traduzioni Francese frottement Inglese rubbing (continuos) Spagnolo frotamiento Italiano strofinìo, sfregaménto Tedesco Reibung.

ifrigatzaméntu , nm Definizione su ifrigatzare, su istare a su friga friga una cosa cun àtera Sinonimi e contrari frigamentu, frigóngiu, isfrigatzadura Frasi li piaghiant sos gioghitos, sos ciafitos, sos ifrigatzamentos chi passaiant fatos pro bufonadura Traduzioni Francese frottement Inglese rubbing Spagnolo frote Italiano strofinaménto Tedesco Reiben.

iscaldíre , vrb: iscardire, scardiri Definizione giare o fàere caente in ccn. logu o a calecuna cosa; ispitzulare, freare sa pedhe a fortza de frigare cun cosa tostada Sinonimi e contrari acalorire, caentare, caglientai, cheghentare, iscaentare, iscardillare / friai, malandrare | ctr. ifridare Frasi in cudhas dies malas de ierru rechedit su fogu a s'iscaldire ◊ acúrtzia a su fogu a t'iscardire! ◊ cun cussa linna faghimis su fogu e nos iscardimis 2. cussa robba tètera mi at totu iscardidu comente tocat sa carre ◊ sas iscarpas noas mi ant iscardidu su cambutzu e pitigadu puru, a su friga friga 3. iscardi custos coros fritos! Etimo srd. Traduzioni Francese chauffer, rougir la peau sous l'effet du frottement Inglese to heat, to redden the skin by rubbing Spagnolo calentar, enrojecer Italiano scaldare, arrossare la pèlle per sfregaménto Tedesco erwärmen, durch Reiben röten.

isfrigatzadúra , nf Definizione su isfrigatzare, fàere a frigadura Sinonimi e contrari frigamentu, frigóngiu, sfrigóngiu Etimo srd. Traduzioni Francese frottement Inglese rubbing Spagnolo frotamiento, frote Italiano strofinaménto Tedesco Reiben.

sfrigongiàda , nf Definizione su sfrigongiai, una bella passada de istràciu o de àteru a frigadura Sinonimi e contrari friada Etimo srd. Traduzioni Francese coup de chiffon, frottement Inglese rub Spagnolo pasada Italiano strofinata, stropicciata Tedesco Reiben, Scheuern.

sfrigóngiu , nm Definizione su sfrigongiai Sinonimi e contrari frigamentu, frigavriga, frigóngiu, ifrigatzamentu, isfrigatzadura Frasi s'intendit su sfrigóngiu de sa scova Etimo srd. Traduzioni Francese frottement Inglese rubbing Spagnolo refregamiento Italiano sfregaménto Tedesco Reibung.