Legenda Abbreviazioni | Legenda Simboli

brocàdu , nm: abbrocau, brocatu, brocau Definizione genia de orrobba de seda o de lana Sinonimi e contrari allamu Frasi custu telu de brocau seu prontu a dhu pagai cantu bolis! Terminologia scientifica ts Etimo spn. Traduzioni Francese brocart, broché Inglese brocade Spagnolo brocado Italiano broccato Tedesco Brokat.

fermàlliu , nm: fremmàgliu, frimmallu Definizione prendha a ispilla de púnghere in bestimentu, genia de ispilla a poderare calecuna cosa Sinonimi e contrari bròscia, ghermallu Frasi sa zente si ponet in corbata cun frimmallu de oro ◊ gighet in tuju una bella collana de oro e in petus fremmàglios delicados Terminologia scientifica ans, prd Etimo itl. Traduzioni Francese broche, boucle, fermoir Inglese clasp Spagnolo broche Italiano fermàglio Tedesco Vorstecknadel, Brosche.

intramàdu , pps, agt: intramatu Definizione de intramare Traduzioni Francese tissé, broché Inglese interwoven Spagnolo entretejido Italiano intessuto Tedesco durchwoben.

ischidòne , nm: ischidoni, schidoni Definizione cantu de linna, o de ferru, fine, longu e deretu, puntudu a un'ala, po ifrichire petza (o àteru) de orrostire: a logos dhu narant sazu Sinonimi e contrari ispidu Frasi poneus s'ischidone a orrostire sa petza Etimo itl. schedone Traduzioni Francese broche Inglese spit Spagnolo espetón, asador Italiano spièdo Tedesco Bratspieß.

ispídu , nm: ispitu, spidu Definizione cantu de linna, o de ferru, fine, longu, puntudu a un'ala, po ifrichire petza de orrostire: a logos dhu narant sazu / min. ispidedhu, ispidighedhu Sinonimi e contrari ischidone, ischirru 2 / cdh. spitu Modi di dire csn: (nadu de ccn.) pàrrere in punta de i. = tènniri iscinitzu, pistighinzu, èssere orioladu pro carchi cosa, prontu a tucare, che pilloni in punta de pértia; faedhare a ispidedhinu = faedhare in manera arterada, a dirbetu, cun afuta; ispidos de fogu! (a frastimu) = lampos Frasi mi seo afrituridu a su fogu girèndhemi totora che peta chi s'arrustit in s'ispidu (Grolle) 2. no sunt mancu ispidos, no, chi no los podes ingullire! ◊ e ite ti dao, ispidos, a manigare?! ◊ cudhu zòvanu fit sétzidu che in ispidos arrejonendhe cun duas piciocas bellas che fiore Etimo ltn. *spitu Traduzioni Francese broche Inglese spit Spagnolo espetón, asador Italiano spièdo Tedesco Spieß.

tartalía , nf, nm: tataliu, tatalliu, tratabia, tratalia, trataliu, tratalliu, trotobie, trotoia Definizione sa frisciura (de pegus piticu, mescamente de angione) imbodhigada in sa napa, cun s'istentina e fata a orrostu Sinonimi e contrari fressura, revea, tatareu Frasi femu fúrria fúrria coment'e una tratalia posta a araxi a fogu ◊ si che at mandhigadu totu su tratalliu ◊ tratalios, cordedhas e boltados fint in bancas in terra aparitzadas ◊ fit aprontendhe su tatalliu de duos anzones chi aiat mortu Terminologia scientifica mng Etimo itl. frattaglie Traduzioni Francese fressure à la broche Inglese pluck roasted on the spit Spagnolo asaduras asadas en el espetón Italiano coratèlla còtta allo spièdo Tedesco am Spieß gebratene Geschlinge.

«« Cerca di nuovo