atréminu , nm Definition arrumóriu chi si faet cun is peis, movendho cosa; pruschetotu, genia de timoria manna, de trementa chi benit timendho ccn. cosa Synonyms e antonyms apeisinzu, apeitu, apetigu, istrepitzu / cdh. trímini Sentences it'est custu: s'atréminu de sa chedha immandrada o sa boghe de su pastore chi l'acorrat? ◊ mi paret de intèndhere atréminu in su passaditzu: benindhe zente est? ◊ si est intesu s'atréminu de sos passos 2. goi cumpostu in paghe est un'ammiru: paret chi apet sighidu a Bustianu in sonnos sentza atréminu e suspiru (A.Dettori)◊ patire s'atréminu ◊ pigant sos astudhos a s'atréminu chi dant sos inghírios de su tilibbriu Etymon srd. Translations French effarement, peur English fright Spanish temblor, miedo Italian trèmito, sgoménto, paura German Zittern, Bestürzung, Angst.

tremedhèra , nf Definition su trèmere, su istare tremendho, treme treme, genia de móvia a iscutuladura totu parívile; fintzes genia de presse, furighedha Synonyms e antonyms trementa tremuea, tremuina, tremuledha / cdh. trimaredha Sentences dhi benit una tremedhera in totu su corpus e dhi tzacarrant is dentis puru 2. dh'at pigau sa tremedhera e si ndi est andau Etymon itl. Translations French frisson, tremblote English shivers Spanish tembleque Italian tremarèlla German Zittern.

trèmere , vrb: tremi, trèmiri Definition mòvere a iscutuladas piticas e sighias, fàere móvias piticas, medas e paríviles in sensu contràriu de s'una a s'àtera / pps. trémidu Synonyms e antonyms cuncuai, seghedhare, sidhire, tremuai, trimire Idioms csn: trèmere che canna, che foza, che zuncu, che culumba crochindhe, paris = trèmeresi meda, totugantu; su calcanzu si li tremet!… = no ndhe l'importat nudha, est trancuillu Sentences a su punzu chi iscudet tremet tota sa banca ◊ mellus a timi chi no a tremi ◊ so tremindhe de su fritu ◊ fait sa firma cun sa manu tremi tremi ◊ is miradas suas mi tremiant che canna in die de bentu ◊ vos tremiavaes che una canna dae sa timória ◊ si fiat trémiu paris a su intendi cudhu isciorrocu Etymon ltn. tremere Translations French trembler, vibrer English to tremble, to flicker, to vibrate Spanish temblar, vibrar Italian tremare, tremolare, vibrare German zittern, schwingen.

trémida , nf, nm: trémidu, trémita Definition su trèmere, genia de móvia a cropu e sighida Synonyms e antonyms assachítidu, irghinitada, iscutinada, sachedhada, sàdhidu, tremidura / cdh. intriminuta, ttrs. trémuru 2. si sa mata donat una trémida ndi dhi arruit sa folla ◊ a ndhe daet de trémidas, sa terra, ue bi faghet terremotu!…◊ mi fipo addrummentatu a trémitas de fritu Translations French sursaut, tremblement, secousse English vibration, tremor shock Spanish estremecimiento, vibración Italian sussulto, vibrazióne, trèmito, scòssa German Schwingung, Zittern, Erschütterung.

trémidu , pps, nm: trémiu Definition de trèmere; fintzes su trèmere, sa móvia chi si faet tremendho Synonyms e antonyms trémida Translations French tremblé English trembled Spanish estremecido Italian tremato German Zittern.

tremidúra , nf Definition su trèmere Synonyms e antonyms nànniga, trémida, tremore Etymon srd. Translations French tremblement English tremor Spanish temblor Italian tremóre German Zittern.

tremuài , vrb: tremulai, tremulare, trimulare Definition trèmere pagu pagu, trèmere totu (po timoria, debbilesa, àteru) Synonyms e antonyms trèmere, trinicare Sentences is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe Etymon ltn. tremulare Translations French trembler English to quiver Spanish temblar, estremecerse Italian tremolare German zittern.

tremuàlla , nf Definition su istare tremendho Synonyms e antonyms nànniga, tremedhera, trementa, tremuledha Sentences sa tremualla de is istedhus de su celu ◊ sa timoria dhi fait benni sa tremualla ◊ fatuvatu s'intendiat una tremualla a cambas de no podi abarrai in pei Etymon srd. Translations French tremblement English trembling Spanish temblor Italian tremolìo, tremóre German Zittern.

tremuèa, tremuénu, tremuéu , nf, nm, agt: tremulea, tremulégiu, tremuleju, tremulenu, tremuleu Definition su trèmere, su istare tremendho; tremuenu, tremueu fintzes chi tremet, chi istat tremendho e, nau de terrenu, chi no firmat, chi istrèmenat, chi che afundhat de cantu est modhe Synonyms e antonyms trementa, tremoia, tremuledha / tremulosu, trémulu Sentences mi pigat sa tremuea ca seu cambas modhis ◊ m'infastidiat sa frúsia de is portas e su tremuleu de is finestrinus ◊ abarra frimu, ca mi paris in logu de tremueus! ◊ duas dies su mundhu a tremuleu: cantos ant furriadu su sentidu! ◊ mi sapo piliganu, a tremulégiu e carena istasida (F.Bechere) 2. sas manos si sunt fatas tremuleas, sos ossos si sunt iscussertados ◊ fit chistionendhe cun faedhos tremuleos ◊ su betzu giughet tremuleas sa conca, ancas e manos ◊ de ischintidhas tremulejas pintirinadu est su chelu ◊ si est mudada sa natura a is tremueus rajus de su soli ◊ s'intendit sa boxi tremuena de calincunu ◊ si est pesada una boghe tremulena de ómine betzu Etymon srd. Translations French tremblement English quivering Spanish temblor Italian tremolìo German Zittern.

tremulèdha , nf Definition genia de movimentu lestru e curtzu de sa carena (in totu o in parte), su istare tremendho, tremedreme Synonyms e antonyms trementa, tremualla, tremuea / cdh. trimaredha, trimuledha, ttrs. trimuredha Sentences sas mamas a tremuledha si faghiant sinnos cuendhe sos pitzinnos ◊ li picaiat sa tremuledha solu a lu intènnere mentovare: totu lu timiant che frea ◊ mi sentia su coro a tremuledha Etymon srd. Translations French frisson, tremblote English shivers Spanish tembleque Italian tremarèlla German Zittern.

trinicàre , vrb: trinigare, trinnigare Definition trèmere, su si trèmere totu, mòvere, su si mòvere a iscutuladura, a tremidura Synonyms e antonyms busigare, sachedhare, saidare, tidhiricare, trèmere, tremuai Sentences mi trinnigaia che foza, de su fritu ◊ mi paret chi mi pungant a puntorzu e mi ndhe trínnigo in totu sa carena ◊ ti trínnigas in s'íntimu ammentendhe sos basos, sas promissas ◊ s'ischideit atriciatrícia de suore, trinnighèndhesi che canna pro unu sónniu feu 2. sos furfurajos afainaos, trinicandhe sas alas, pariant chene pache ◊ no mi trínnighes! ◊ susuja, rocu e loros asseguras, a unu a unu dogni arminzu aparas e trínnigas s'aradu e totu esploras (P.Casu)◊ su bentu no trínnigat mancu sas fozas 3. si est trinnighendhe, s'aera est minetendhe tempesta 4. acumpanzat sos movimentos de sas pedaladas trinnighendhe pagu pagu sa conca a manca e a dresta Etymon srd. Translations French trembler, frissonner, secouer English to tremble, to shiver, to shake Spanish temblar, estremecerse, sacudir Italian tremare, rabbrividire, scrollare German zittern, schaudern, schütteln.

trínnigu , nm Definition su si trinnigare, fintzes po arrennegu o àteru sentidu forte / t. de dentes = trementa de barras po frius o po timoria manna; t. de fritu = tidilia Synonyms e antonyms ímpetu, trinnighinzu Sentences bidendhe elveghes pitigadas tundhendhe bi benzeit unu trínnigu de ispreu! Etymon srd. Translations French sursaut, tremblement English tremble, thrill Spanish estremecimiento Italian trèmito, frèmito German Zittern.

«« Search again