Ditzionàriu in línia
de sa limba e de sa cultura sarda

codiàda , nf Definition su codiare; fintzes cosa immentigada Synonyms e antonyms codiatura, coizadura Etymon srd. Translations French oubli English oblivion Spanish olvido Italian dimenticanza German Vergessen.

ilmentigàdu , pps, agt: immentrigadu Definition de ilmentigare; chi dh’ant immentigau; nau de ccn., chi imméntigat is cosas, nau mescamente de persona antziana Synonyms e antonyms iscaéssiu, olvidadu / cdh. isminticatu / conchischeréscidu, olvidosu 2. Bàrbara, chi as in chelu sa cadrea, ismentigadu no ndhe lessas unu! (Sozu)◊ Deus no at fizos ismentigados 3. sa zente manna, ca est tzimiada, est immentrigada puru Translations French oublié, oublieux English forgetful, forgot Spanish olvidado, olvidadizo Italian dimenticato, diméntico German vergessen, uneingedenk.

ilmentigàre, ilmentigràre , vrb: ilmentrigare, imentrigare, immenticare, immentigai, immentigare, immentrigare, irmenticare, irmentigare, ismenticare, ismentigare Definition essire o pèrdere una cosa de mente; cricare de no arregodare, una cosa, fàere finta de nudha, a manera de no ndhe fàere prus contu Synonyms e antonyms iscadèssere, obbriviri, olvidai, variai | ctr. ammentare, arragodai, subènnere Idioms csn: bufare abba de imméntiga mundhos = iscarèsciri totu, èssiri conca ischeréscia, no si arregordai prus de su chi si depit fai; immentrigàresi che mortu = iscarescirisí deunudotu de una cosa; lassare a s'immentrigada = cricare de immentigare, lassare chi s'imméntighet Sentences si liu namus nois si nche irménticat ◊ ilmentigràndhemi de s'averténtzia, mi so postu in caminu ◊ essendhe allegros, calchi bolta nos immentigamus de s'avilimentu ◊ mi ndhe so irmentigadu de su chi depia fàghere ◊ mi che l'apo totu irmentigadu su chi mi aias nadu 2. fiat pasteri e sétziu in sa mesa pariat chi aiat bufau abba de imméntiga mundhos ◊ naemidhi un’iscuta: dogni borta chi essis paret ca ti giànt s’abba imméntiga mundhos! Surnames and Proverbs prb: su perdonare est de sàbios, s'irmentigare de macos Etymon itl. Translations French oublier English to forget Spanish olvidar Italian dimenticare German vergessen.

ilméntigu , nm: imméntigu, imméntrigu, irménticu, irméntigu, isméntigu Definition su irmentigare, su essire de una cosa de sa mente Synonyms e antonyms imméntiga, iscaessidura, obblevione, olvidu, scarescimentu / cdh. sménticu, smínticu | ctr. ammentu, arragodu Sentences su papàile dat s'imméntrigu, nostru trobeale ◊ est atesu che s'isméntigu ◊ s'allega intrat in su niedhore de s'irménticu Etymon srd. Translations French oubli, amnésie English forgetfullness, loss of memory Spanish olvido, descuido Italian dimenticanza, amnesìa German Vergessen, Amnesie.

iscadèssere , vrb: iscaèscere, iscaèssere, iscaresce, iscarèscere, iscaresci, iscarèsciri, iscarèssere, scadèsciri Definition essire o pèrdere una cosa de mente, no àere o pèrdere ammentu; fàere finta de no arregodare una cosa, a manera de no ndhe fàere prus contu / pps. iscaéssiu, iscarésciu / mi est iscarésciu, m'iscarescit = mi ndhe so irmentigadu, mi ndhe irméntigo Synonyms e antonyms ilmentigare, obbriviri, olvidai, variai | ctr. ammentare, arregordai Sentences oe cussa festa ch'est iscadéssia (A.Marceddu)◊ is ogos serraia iscaessenno annos, dies, oras ◊ apustis de duas dís si ndi fut bell'e iscarésciu ◊ apu sonnau de podi sonai iscarescendimia de cudhas dís de morti (G.Manconi)◊ no mi ndhe apo a iscaresce mai! ◊ a bortas m'iscarescit su chi seu narendu ◊ cudha cosa no t’iscarescit mai! ◊ Surnames and Proverbs prb: fae bene e iscaescetidhu, fae male e supenitidhu Etymon spn. escaecer Translations French oublier English to forget Spanish olvidar, descuidar Italian dimenticare German vergessen.

olvidàdu , pps, agt: olvidatu, orbidau Definition de olvidare / èssereche orbidau = èssi conchischerésciu, no arregodare prus nudha Synonyms e antonyms ilmentigadu, iscaéssiu Translations French oublié English forgotten Spanish olvidado Italian obliato German vergessen.

olvidài , vrb: olvidare, orbidare, orvidai, orvidare, ulvidare Definition immentigare, essire de mente, bogare de conca / su pps. orvidau s'impreat fintzes in su sensu de èssere a s'ispessada; èssere orbidau = no ammentare prus Synonyms e antonyms ilmentigare, iscadèssere Sentences pensa de m'olvidare, abbandhona s'idea chi as leadu! (P.Mereu)◊ canta pro olvidare sa tristura! ◊ Sardos, a costas bos pungo s'isprone ca sezis viles si bos olvidades de su nostru terríbbile dolore (A.Casula)◊ orvido su passadu e abbàido a su tempus benidore ◊ che soe totu orbidau!◊ no olvideis su prantu de is mischinus! 2. apu iscípiu ita fiat cumbinendisí e seu bénniu po s'averti po no si pigai orvidaus 3. no tocat a si fidai: chi ti orvidas ti ndi furant totu! Etymon spn. Translations French oublier English to forget Spanish olvidar Italian obliare German vergessen.

olvídu , nm: orbidu, orvidu, urvidu Definition su s'iscaèssere, su no arregodare prus / pònnere in o. = iscarèsciri, immentigare apostadamente Synonyms e antonyms ilméntigu, obblevione, olvidamentu, scarescimentu Sentences dogni cosa che ruet in olvidu ◊ sas cosas tocat a las sarbare dae s'orbidu ◊ curtos sos palos e sos pannos afrischiaos in su sostre de s'olvidu! ◊ tocat a sarvai is cosas de s'orvidu! ◊ acabbada dh'eus custa trista istória e de medas orvidus pregu a m'iscusai (F.Puxeddu) Translations French oubli English oblivion Spanish olvido Italian oblìo German Vergessenheit, Vergessen.

scadèsciri , vrb: iscadèssere*, scaresci, scarèsciri, scheresci Definition passare, essire de sa mente de una cosa chi s'ischit Synonyms e antonyms ilmentigare, ischèsciri, olvidai, variai | ctr. ammentare, arregordai Sentences cunfessu su chi mi est scherésciu in su cunfessori ◊ seus bècius scadéscius in custa terra scadéscia ◊ no mi apu a scarèsciri mai de is finesas tuas ◊ cussu mi dh'apu scherésciu! Translations French oublier English to forget Spanish olvidar Italian dimenticare German vergessen.

scadésciu , pps, agt: scarésciu (sca-ré-sci-u) Definition de scadèsciri / fai a sa scaréscia = fàghere finta de nudha, de no ammentare Synonyms e antonyms ilmentigadu, olvidadu Translations French oublié English forgotten Spanish olvidado Italian dimenticato German vergessen.