moricàre , vrb: ammuricare, morigai, morigare, morigari, muricare, murigai, murigare Definition portare o pigare sa cosa a fúrriu a fúrriu, a su move move, ammesturandhodha cun ccn. cosa (fintzes a forte, cun lestresa); abbarrare a su move move, o fintzes cricandho, forrogandho; foedhandho de animales príngios, cumenciare a ufrare is titas (prenendhosi de late), mòvere po angiare Synonyms e antonyms abbatare, morighinare 1, trancuinai Idioms csn: murigai is cosas passadas = chircare contos betzos; morigare su bestiàmine = fàgherelu mòere pro pàschere ma fintzas a salarzadura Sentences istat morighendhe sas brajas de su fogu ◊ múrica su lapiolu e acontza su focu! ◊ est murighendi sa pingiada cun sa cugliera ◊ su pastore mórigat s'ama pro pàschere ◊ su mardiedu benit murigau prima de obresci ◊ piga sa cullera de linna po morigari sa bàngia! 2. stau a cudha manera, sempri morighendi! ◊ abarrat muriga muriga in su letu sentza de si drommiri 3. sa sughe est cumintzandhe a muricare, zuchet unu bellu úberu Translations French remuer English to stir Spanish revolver Italian rimestare, sbàttere German umrühren, wühlen, (in den Wehen liegen).

móricu , nm: mórigu, múricu, murigu Definition su murigare, su fàere o abbarrare murigandho; genia de movimentu coment'e murigandho (nau fintzes de sa bentre, de sa tita prenendho de late de un'animale chi depet angiare)/ a m. = murighendi, a su móriga móriga Synonyms e antonyms muriconzu, rimísciu / abbuluzu, agiolotu, búlicu, morichintzu, sciumbullu, subuzu, trambullu, tregollu Sentences funt cun is ciorbedhus murigaus chi no dhis parit berus de podi fai murigus e sumbullus ◊ s'intendit un'ammuinu, unu murigu, unu budhiri de genti isfainara ◊ faghiat de laras, atentzionada: si seraiat su murigu chi li moviat in chelvedhera 2. sa pulenta, coghindhe, cheret muntesa a mórigu a mórigu, ca sinono si atacat a su fundhu ◊ so sempre cun sa mata a murigu Etymon srd. Translations French remue-ménage English stirring Spanish revolvimiento Italian rimestìo German Umrühren.

sciampugiài , vrb: isciampugliai, sciampugliai, sciampulai, sciampullai Definition iscutulare, fàere mòvere cun fortza de un'ala a s'àtera, nau mescamente de s'abba aintru de un'istrégiu, pigare a iscutuladura Synonyms e antonyms assucare, igiucare, isciaculare, isciucare, sciampuinai, sucariare Idioms csn: andai sciàmpula sciàmpula = a s'assuca assuca; sciampulaisí in su letu = istare corcados gai, ca piaghet, chentza bisonzu Sentences su mari sciampullat àcua ◊ s'abba in su mari est sempri sciampullendu 2. si ndi fiat istesiau sciampullendi sa conca Etymon srd. Translations French clapoter, ballotter English to swash Spanish agitar, remover Italian sciabordare German umrühren, schütteln.

«« Search again