Ditzionàriu in línia
de sa limba e de sa cultura sarda

frída , nf: fríghia, fríghida Definition sonu de sa cosa friendho in s'ógiu, moida de is istídhigos de s'abba betaos a su fogu, de su ferru abbrigau intrau a s'abba, de una ferramenta segandho a serronadura; moida de gente a chistionu Synonyms e antonyms frimentu Sentences su ferru ruju at fatu sa fríghida in s'abba ◊ s'intendhiat sa fríghida de sas farches messendhe ◊ si mi pesant sas tiliocas a fríghidas e frúscios ◊ in sa perca si at intesu una frida de alas de alibedhes ◊ candho soe pro che revèrtere acurtzu a sa crésia intendho custa frida, paret una truma de abes (B.Mazzone) Etymon srd. Translations French grincement English screeching Spanish chirrido, chillería Italian stridìo German Zischen.

friméntu , nm Definition su fríere, sa moida chi faet sa cosa friendho o fintzes s'abba paga in su fogu, in sa braxa Synonyms e antonyms fridura, fringhinzu Etymon srd. Translations French grésillement English frying Spanish chirrido Italian friggìo German Brutzeln, Zischen.

fritedhài , vrb: afritedhai, fritiedhai Definition fríere, còere in s'ógiu; fàere una moida coment'e friendho, coendho a orrostu sa petza o àteru mescamente in su fogu Synonyms e antonyms fríere Sentences isciorrocu una butíglia de àcua, ma aici s'ollu fritedhat de prus! ◊ una mustela de procu istérria in sa cardiga est fritiedhendi in su fogu ◊ sa petza arrustendi est cota candu no fritiedhat prus 2. cust'interrutori s'intendit fritiedhendi: si bit ca sa currenti passat mali Etymon srd. Translations French grésiller English to sizzle Spanish chisporrotear, crepitar Italian sfrigolare German zischen.

frusiài , vrb: afrusiai, frusiare, frusinai, frusuai Definition sonare o fàere moida coment'e a súrbiu, sonu forte de cosa movendho, friendho, orrostindho Synonyms e antonyms afruschiare, ammuinai 1, fruscidare, frusitai, infrusitai, moidare, mojire, múere, muizare, sulietai, sulitai, sulvare, surbiai, zumiai Sentences at inténdiu un'arrisu frusiendidhi in is origas ◊ su guetu frúsiat comenti partit ◊ intendit su sànguini frusinendi in is memórias ◊ Assunta est abarrada un’ora manna batallendu: mi creis ca intendu ancora is origas frusuendu?!(M.L.Serpi)◊ is incuedhus de linna fertus a corpus de fusti frúsuant in s'àiri ◊ sa sartània de sa castàngia est in su fogu frusuendi Etymon itl Translations French siffler English to buzz, to whistle Spanish zumbar, silbar Italian ronzare, sibilare German zischen.

muinàja , nf: muinalla Definition sa moida, su sonu, su zúmiu chi faet sa pedra, segundhu comente est fata (lada e longhita), candho benit iscuta (si brillat) atesu a frundha o fintzes a manu Synonyms e antonyms bísulu, frúschiu, frúsiu, muinalla, muizu, zúmiu Sentences at corpadu sa preda a muinaja Translations French sifflement English hiss Spanish silbido Italian síbilo German Zischen.

muizàre , vrb Definition fàere a sonu sighiu coment'e a zúmiu, a moida chi sighit Synonyms e antonyms afruschiare, ammuinai 1, fruscidare, frusiai, inzumiae, moidare, múere, zumiai Sentences su sonu de su mortu atesu atesu si perdet fritu sentza èssere intesu chei su muizare de su bentu (S.Secchi)◊ s'abe dae su moju essit muizendhe a chircare in sos fiores ◊ s'abe muizat in sas casidheras Etymon srd. Translations French siffler English to hiss Spanish silbar Italian sibilare German zischen.

muízu , nm Definition genia de moida sighia, de cosa muinandho Synonyms e antonyms bísulu, frísida, frusinzu, frúsiu, ischéliu, moida, muinaja, súlbiu, sulitu, zúmiu Sentences at intesu su muizu de sa balla Etymon srd. Translations French sifflement English hiss Spanish silbido Italian sìbilo German Zischen.

zumiài , vrb: giumiai Definition sonare, fàere a súrbiu, a moida fine Synonyms e antonyms afruschiare, ammuinai 1, frusiai, frusitai, inzumiae, moidare, mojire, múere, muizare, sulietai, surbiai, zuniai Sentences muinendi e zummiendi funt acudendi a tronis muschitus e musconis ◊ is ballas dhi passànt acanta friga friga, zumiendu, ma no dhu tocànt mai ◊ mi zúmiant is origas… e chini at a èssi! ◊ zúmiat sa perda iscapada de sa frundha, sa balla isparada Etymon srd. Translations French siffler, bourdonner English to hiss, to hum Spanish silbar, zumbar Italian sibilare, ronzare German zischen.

zumiaméntu , nm Definition su zumiai; genia de sonu a súrbiu Synonyms e antonyms frusiada, frúsiu, zumiadura Etymon srd. Translations French sifflement English hissing Spanish zumbido, silbido Italian sìbilo German Zischen.

zúmiu , nm: giúmiu Definition genia de sonu chi faet una cosa chi passat in s'ària a fuliesa forte meda, sonu sighiu de totunu andhare Synonyms e antonyms bísulu, frísida, frúschiu, frusiolada, frusitu, frúsiu, ischéliu, muinaja, muizu, súlbiu, sulitu Sentences intrendi ti apu biu in mesu ballu a zúmiu che perda iscuta a frundha (B.Lobina)◊ su zúmmiu chi fait su cannoni Etymon srd. Translations French sifflement, bourdonnement English humming Spanish silbido, zumbido Italian sìbilo, ronzìo German Zischen.