Ditzionàriu in línia
de sa limba e de sa cultura sarda

badriànu , nm: bardianu, fardianu, vardianu Definition chie istat a bàrdia, badrandho, giaendho atentzione, custodiandho calecuna cosa Synonyms e antonyms badreri, bardiadore, castiadore, guardadori, tentarzu / cdh. galdianu Sentences bardianos sos canes apedhant a sa zente ◊ meses intreos a badrianu, in su tempus de is bíngias, si che artzàt a pitzu de su nuraghe e sonàt su pitariolu Scientific Terminology prf Translations French gardien English keeper Spanish guarda, guardián Italian guardiano German Wächter.

castiadòre, castiadòri , nm Definition chie est postu a custodiare, a badrare calecuna cosa, calecunu logu: c. de bíngias, de argiolas, de àteru Synonyms e antonyms agodradori, badrianu, bardiadore, chistidore, miradori, tentadore / agasone, bennidore, obbiaxu, padraxu Sentences iant lassau sa tumba bèni custodida noti e dí cun is castiadoris ◊ mi torrat a pigai coment'e castiadori de su livàriu e aici su chi dhu depu dh'iscontat de sa mesada ◊ is castiadoris funt orovetendi Scientific Terminology prf Etymon srd. Translations French gardien English warder Spanish guardián Italian guardiano German Wächter.

craéri , nm: giaeri Definition chie tenet s'impreu de chistire e manigiare is craes Synonyms e antonyms craiteri Sentences tue ses s'assolutu de su coro craeri Etymon srd. Translations French huissier English guardian, who holds the keys Spanish guardia, clavero Italian custòde, clavìgero German Wächter.

miradòre, miradòri , nm Definition chie abbarrat a giare atentzione, tenet s'impreu de castiare e custodiare calecuna cosa Synonyms e antonyms badrianu, bardiadore, castiadore, tentadore / agasone, bennidore, padraxu Etymon srd. Translations French gardien English guardian Spanish guardián, guarda Italian custòde German Wächter.

tentadòre , nm, agt Definition chie istat tentendhe, a càstiu, giaendho atentzione a calecuna cosa chi no che dha furent, chi no tèngiat dannu Synonyms e antonyms castiadore, miradore Sentences su tentadore fit in binza cun s'archibbusu ◊ si times a ti furare ponebbei tentadore! Etymon srd. Translations French gardien English guard Spanish guardián, guarda Italian guardiano German Wächter.