Ditzionàriu in línia
de sa limba e de sa cultura sarda

carràle, carràli , agt, nm Definition chi est de is matessi carres o coment'e chi siat de is matessi carres (de sa matessi mama); nau a solu, su c. po ómine, frade, sa c. po fémina, sorre / sorre, frade, connadu, babbu carrale = sa sorre, su frade, su connadu, su babbu de unu; fradili carrali = fradile de primu gradu Synonyms e antonyms coriale / fadre, sorre Sentences frades carrales no si dant innóriu ◊ a bortas po sucurri unu fradi ispirituali tocat a lassai su carrali ◊ su carrale a s'interru de mamma no bi fit ca est emigrau atesu 2. afido sas isperàntzias meas a su sensu carrale de sos Sardos pro sarbare custa terra ◊ semus istados amigos carrales dai sa piús frisca pitzinnia Scientific Terminology ptl Etymon ltn. carnalis Translations French fraternel, frère, sœur English fraternal Spanish consanguíneo Italian carnale, fratèrno, fratèllo, sorèlla German leiblich, brüderlich, Bruder, Schwester.

cunsòrre , nf: cussorre Definition fémina chi faet parte de una cunfraria Synonyms e antonyms germana Translations French consœur English sister Spanish hermana Italian consorèlla German Schwester.

mògna , nf: mòngia, monza Definition fémina chi faet votu e si giaet totu a Deus e a una vida de fide, a serbire o atèndhere gente bisongiosa Idioms csn: andharesiche o intraresiche a m., essiresindhe de monza; monza de domo = fémina chentza cojada chi sighit a istare in domo de su babbu e de sa mama; mongixedha: una zenia de pane modhe, russu; cara ’e monza = una creze de basolu; mòngia arrúbia, mòngia niedha = crezes de cóciula; inserrau che m. = chi no essit mai Sentences chi abarru abetendi a issu fàciu sa vida de mòngia! ◊ si ch'est intrada a monza addaghi sos de domo no l'ant lassada cojare cun chie cheriat ◊ sa meri est totu sa santa dí incortia in cust'apusentu coment'e una mòngia de clausura 2. mòngias de Sant'Agustinu, duas concas in d-unu cuscinu! Etymon ctl. monja Translations French religieuse, sœur English nun Spanish monja Italian mònaca, suòra German Nonne, Schwester.

sòrre , nf: sorri Definition fígia de su matessi babbu e de sa matessi mama de un'àteru o àtera / min. sorraredha, sorrigedha, sorrighedha, sorrixedha; s. de unu lados = concóina, fígia de matessi babbu e diferente mama, o de matessi mama e diferente babbu Sentences frade e sorre fint che duas gútias de abba ◊ is duas sorres furint maistas ◊ is sorris concóinas no podiant biri cudha piciochedha e torrànt a contai totu a sa mama insoru 2. si unu fait sa volontadi de Babbu miu, issu est fradi miu, sorri mia e mama mia ◊ donzi ómin'e su mundhu est frade meu, donzi fémina est sorre mia Scientific Terminology ptl Translations French sœur English sister Spanish hermana Italian sorèlla German Schwester.