arrangiadúra , nf: arranzadura Definition trebballu chi si faet po aconciare calecuna cosa (trastu consumau o segau, domo e àteru) Synonyms e antonyms aconciadura, acónciu, arragnada, arrangiamentu | ctr. iscónciu Sentences su sabbateri ndi at pigau su chi at arregortu po s'arrangiadura de is crapitas Etymon srd. Translations French ajustage, réparation English mending Spanish reparación, arreglo Italian riparazióne German Reparatur.

arràngiu , nm: arranzu Definition su arrangiare, su torrare apostu unu guastu, su pònnere bene sa cosa; sa cosa arrangiada / èssiri a s'arràngiu = campare arrangiandhosi, sentza de àere peruna intrada segura, fintzes in su bisóngiu Synonyms e antonyms aconciadura, acónciu, assébiu | ctr. gastu 1 Sentences su guventu isbandonau, sentza de dhi fai arràngius, ndi fiat arrutu ◊ is dotores faent arràngios po bívere de prus ◊ custa màchina un'arrangixedhu gei dhu bolit! 2. cussa giacheta est totu tzàpulus e arràngius Etymon srd. Translations French adaptation, mise en ordre English rearrangment, adaptation Spanish arreglo Italian adattaménto, riparazióne, riassètto German Anpassung, Reparatur, Aufräumen.

«« Search again