Abbreviations Legenda | Symbols Legend

consígiu , nm: consillu, consixu, consizu, cossígiu, cossitzu, cossizu, cuncillu, cunsígiu, cunsillu, cunsixu, cunsizu, cuntzillu, cussizu Definition cosa chi si narat a un'àteru po chi iscat méngius comente fàere, nàrrere o àteru; organísimu de unu cumone, de un'assótziu e riunione o atóbiu de su matessi po arrexonare e pigare decisiones Synonyms e antonyms abertimentu, addochimentu, ammonestamentu, ammonestu, atisbada, impósitu, imposta, paràbbula 1 / cdh. cunsidhu, ttrs. cunsígliu Sentences so pragerosa de osservare is consígios issoro ◊ fui peri pensandu de andai auba de issu po unu consillu ◊ si Sara dhi donàt unu cuntzillu, Luisicu dh'ascurtàt e si cumportàt segundu su cuntzillu ◊ custos cunsizos no sunt metanzos e los iscultat dognunu ◊ at dimandhau unu consígiu de comente sighire su trabballu 2. cussas sunt cosas chi faghet su cossizu cumonale Etymon ltn. consilium Translations French conseil English advice Spanish consejo Italian consìglio German Ratschlag.

impósitu , nm Definition manera de fàere de unu logu, cosa chi si costumat; cosa chi si narat a un'àteru po chi iscat méngius comente fàere, nàrrere o àteru, o fintzes solu po chi dha fatzat, coment'e un'órdine, un'óbbrigu; fintzes meledu, acucada Synonyms e antonyms costuma, usàntzia / consígiu, imposta Idioms csn: malus impósitus = abbitúdines malas; dare bonos impósitos = donai contzillus bonus Sentences dai sos malos impósitos benit sa revolutzione ◊ in domo bi fit s'impósitu chi si deviant imparare sas fainas ◊ c'est s'impósitu de non abèrriri is ventanas de domu po cantu durat su lutu ◊ una fémina iat negau s'impósitu a su pobidhu e su préide dh'iat nau: No si negat s'impósitu a su matrimóniu! Etymon ltne. impositum Translations French coutume, usage, conseil English custom, hint Spanish costumbre, sugerencia Italian usanza, suggeriménto German Sitte, Ratschlag.

impòsta , nf, nm: impostu Definition cosa chi si mandhat a nàrrere, chi si giaet a ischire o chi si narat fintzes coment'e giaendho cossígios, faendho propostas o àteru Synonyms e antonyms apolta, commissione, cumandhu, impérciu, isceda, masione, segurtade / avertimentu, consígiu, impósitu, proposta Sentences at nau ca si cras depit andai ciai mandat s'imposta ◊ cussu l'at dogadu dae su barrancu de li torrare imposta, ca su pitzochedhu teniat resone ◊ totu dimandhant a su postinu ca totu ispetant un'imposta ◊ est ibetanno un'imposta e imposta no dhi ant giau 2. aiant fatu un'imposta a su presidente pedindhe de pòdere faedhare ◊ dàemi calchi impostu ca no ti cherzo cundennare! ◊ est avesu a iscultare sas impostas 3. s'impostu chi mi das bene est chi siga, ca tue sola mi ses vera amiga ◊ iscultade s'impostu de su santu! Etymon itl. imposta Translations French ambassade, information, conseil, insinuation English message, information, suggestion, insinuation Spanish embajada, sugerencia, insinuación Italian imbasciata, informazióne, suggeriménto, insinuazióne German Botschaft, Information, Ratschlag, Unterstellung.

ingítu , nm: inzitu Definition su chi si narat o chi si faet po ammostare cosa / avb.: a i. = a fortza de indíssios, a su dimandha dimandha Synonyms e antonyms indicu, indíscia, inditu* Sentences a inzitu si agatat Roma ◊ a fizos bostros lis siedas lughe, inzitu e ghia! ◊ est in s'isetu chi calicunu li diat carchi inzitu Translations French suggestion, enseigne English suggestion Spanish sugerencia Italian suggeriménto, insègna German Ratschlag, Weisung.

«« Search again