Abbreviations Legenda | Symbols Legend

nàre , nm, nf: nari, naris Definition nau prus che àteru pl., is càrigas o pinnas de su nasu, is duos istampos cun su modhímene chi dhos format, ma fintzes su nasu totu: po is animales narant pruschetotu naricru; a logos est su nasedhu de su granu de sa fae Synonyms e antonyms càrica, naríciu, nàstula 1 / nasu Idioms csn: n. a bistrale = nasu arcadu, unu pagu unchinadu, pichinu; nare de cuciúciu = nasu coment'e aggatadu, a bicu tundhitu; nare de sedha = cun sa punta coment'e a cara a subra; samben de nares = sànguini chi a bortas si perdit de su nasu; èssere dae n. a buca = durai pagu; èssere a tiradas de nares = istare tirendhe alenu a intro cun su nasu, a forte, coment'e pro no si lassare falare su mucu; pònnere su pódhighe in su nare = (naendho cosa) coment'e po ammeletzu Sentences ojos tuos buca e nare rient de bellesa! ◊ su pitzinnu si fit forrocranne sas pinnas de su nare ◊ ti tapas sas nares candho passas ◊ dae naris perdiat mucu a cannisones ◊ gighiat su nare unu pagu mannu ◊ si batiat sa lana de crastu a sas naris pro intènnere su profumu de terra ◊ cussu giughet su nari longu longu ◊ cudhu fragu dhi fiat abarrau in is nares 2. in dommo mea su pane est dae nare a buca ◊ est muconosu e a tiradas de nares Scientific Terminology crn Etymon ltn. nare(m) Translations French narine English nostril Spanish fosa nasal Italian narice German Nasenloch, Nüster.

naríciu, narícre, narícru , nm Definition nau prus che àteru pl., càrigas o pinnas de su nasu, is duos istampos cun su modhímene chi dhos format Synonyms e antonyms càrica, nare, nàstula 1, nasu Sentences at picau sa tutedha bruta e mi l'at irbentulata suta de sas naricres ◊ bi at una naricre destra e una naricre mànchina ◊ s'at postu tebbacu in cada nariga Scientific Terminology crn Etymon ltn. *naric(u)lus Translations French naseau English nostril (of horse) Spanish aleta de la nariz Italian frògia German Nasenloch, Nüster.

nàstula 1, nàstule , nf Definition càriga, donniunu de is duos istampos de su nasu cun su modhímene chi dhos format (si narat prus che àteru pl.) Synonyms e antonyms acúgia, cadrata, càrica, nare, naríciu, pinna 2 Sentences nísidi su mucu, cantu chi ses faedhendhe a nàstulas tupadas! ◊ nuscos de alchimissa intrendhe in nàstules mi faghiant lagrimare Scientific Terminology crn Etymon ltn. *nasitare Translations French naseau English nostril (of horse) Spanish aleta de la nariz Italian frògia German Nüster.

«« Search again