manígiu , nm, nf: manixu,
maniza,
manizu,
meixu Definition
su manigiare, su faimentu, trebballu o movimentu de manos prus che àteru nau in su sensu de impreare cosa, de dha pònnere a fàere, a si ndhe serbire, o fintzes solu de istare faendho faina, trebballandho cosa; manera de fàere; fintzes cuncordu de calecuna faina pagu onesta, unu pagu a trassa, unu pagu a iscúsiu, a ingannu
Synonyms e antonyms
contibizu,
faina,
impreu,
maniestu,
magoninzu,
manucu,
trabàgiu
/
alvatadura,
barbatada
/
transa
Idioms
csn:
tènnere una cosa meda a manizu = pònnerela o impreàrela meda, in cosas de donzi die; cosa, trastu de manígiu (es. tialla, bestimenta) = de pònnere a fitianu, a donzi die, pro donzi bisonzu (ctr. de càstigu); terra de bonu manizu = bona a triballare; manixu, meixu (de sa terra)= aronzu, aradura; àere manizu de una cosa = ischírela leare, èssere pràtigos a si ndhe serbire; su manizu de sa domo = su comente si muntenet e contivizat sa domo, sas cosas de domo; leare, ghiare su carru a manizu de nanti = sétidos a cara a punta, acurtzu a sa forchidha; su cane poltat manígiu = at leadu sa trata de sa fera, est ponindhe ifatu a sa fera
Sentences
in su cuile istabat petzi a s'ora de su manizu ◊ tziu Berte, fatu su manizu, si sediat ◊ fachendhe carbone, sos ómines che fint in sa coa de su padente, in su manizu ◊ si s'animale no afilat a manu de su mere, peus si bidet manizu de fune anzena!
2.
bellu manizu pro bínchere sa tentassione, Elias Portó!…◊ gei dh'apu biu su manígiu, acomenti ispendit su dinai! ◊ cun tzertos manizos sos fizos los guastant ◊ si bi at manizu sa cosa resessit ◊ contivizare e muntènnere sa paghe fit su manizu de babbos e mamas
3.
no ti fides a bi andhare: cue bi at manizu! ◊ mi so abbistu chi in cussa béndhua bi at manizu mannu ◊ sos chi votant in sa Giunta istant fatendhe manizu ◊ cussu faghet manizos finas in crésia e peri sos caminos!
4.
in domu lassaus isceti su dinai de manígiu: s'àteru in banca ◊ sa tialla bona dh'allogu: de manígiu gei ndi tengu ◊ custu est unu cuadhu de manígiu, cudhu est de istadha ◊ no pongais su servítziu nou a manígiu! ◊ custa est s'àcua de manígiu, cussa po bufai ◊ sas cobertedhas chi zuto a manizu las apo samunadas
Etymon
itl.
Translations
French
maniement,
manipulation,
travail,
procédé,
intrigue
English
use,
manipulation,
procedure,
intrigue
Spanish
manejo,
procedimiento
Italian
maneggiaménto,
manipolazióne,
lavorazióne,
manéggio,
procediménto,
trésca
German
Handhabung,
Methode,
Machenschaft.
métida, métidu , nf, nm: métodu Definition
manera o critériu in su fàere una faina, un'istúdiu, in su cumportamentu, po pòdere arresurtare prus cumbeniosu, prus seguru, po s'arresurtau prus giustu, prus adatu, cunforma a un'iscopu
Synonyms e antonyms
régula
Sentences
at inventadu àteras métidas e maneras pro cuntentare sos ischivinzosos puru ◊ sa métida sua pro curare su dolore de mata fit a brincare su malàidu una pisedha bajana…◊ bi cheret métidu pro fàghere sa faina bene!
Translations
French
méthode,
système
English
method
Spanish
método
Italian
mètodo
German
Methode,
Verfahren.