Ditzionàriu in línia
de sa limba e de sa cultura sarda

ammatutzàre , vrb Definition fàere a mata, nau de matedu; bogare o segare is tupas aprontandho sa terra po dh'arare Synonyms e antonyms immatai, innetiare, irrascare, ismatutzare, ispatare, matai, scrachirai Etymon srd. Translations French déboiser, dégarnir un terrain des buissons English to take bushs off Spanish podar, desbrozar Italian decespugliare German Gestrüpp entfernen.

barasòne , nm: barisone, barrasone, barrasoni, barrisone, berrisone, erisone Definition nae de linna, de sida arrasposa e ispinosa Synonyms e antonyms arrasolu, bangazu, barrasolu, carrasprone, ghirrisone, istupu, mètere, rasitu, raspisone, tupisone / cdh. varrasoli Sentences cun berrisones, ruspisos e matas perdes tempus e pudas in debbadas ◊ fit s'ozastredhu ténneru naschidu: pariat unu síriu a prantone, ma curpa de no èssere inferchidu est torradu una tupa a berrisone (L.Marteddu) 2. bufa impresse, chi no b'at berrisones in cussu late! Surnames and Proverbs smb: Barisoni Etymon srdn. Translations French broussailles English a tangle of dry branch Spanish zarzal Italian sterpame German Gestrüpp.

busàmene, busàmine , nm Definition cosa segada de is busas, de is tupas de matedu, fintzes ammesturitzu de erba, cardu e àteru imballau po brovendha a is animales Synonyms e antonyms busonalla, fustigalla, struvu Etymon srd. Translations French broussailles English brushwood Spanish zarzal Italian sterpàglia German Gestrüpp.

ghirrisòne , nm, agt Definition crispione, cambu de linna totu abberrisonadu, ispinosu, arrasposu, male fatu; nau de ccn., gherristu? Synonyms e antonyms arrasolu, barasone, barrasolu, càlamu, carrasprone, cribionatzu, ghirghisone, rasitu, raspisone, tupisone Sentences sos ghirrisones de tiria ne sont iscinne briscos e mudados de grogu 2. cudhu nurache est totu iscalabrau ca ómines ghirrisones che ndhe ant ghetau sa midade Etymon srdn. Translations French broussailles English brushwood Spanish zarzal Italian sterpame German Gestrüpp.

malèsa , nf: maresa Definition su bòllere male, su fàere male cun su sentidu de fàere male; css. cosa chi, po calecunu motivu, podet èssere cunsiderada male, istrobbu, dannu, chi no torrat paris cun sa cosa bona, cun su bene, cun d-un'iscopu bonu, de méngius; totu su matedu chi istrobbat po passare o trebballare unu terrenu / pònniri m. in ccn. cosa, parare m. = pessare in su malu, ponnerebbei malíssia Synonyms e antonyms arrusa, astrúscia, mabiori, maldade, malinnidade, malíscia, marfuseria, transa / brutura, carravore / bascaràmine, mata, tupa | ctr. bonesa Sentences fit un'ómine buglista finas a sa malesa ◊ Babbu mannu, is ofesas pedrònami, fuedhus e ingestus maus fatus chena de malesa ◊ sa genti no teniat sa malesa de andai a imbrolliai innòi e innia ◊ faiat is corrus a manu manca, ca nanca sculada sa malesa de preris e mòngias ◊ calincunu tenit in su coru sa malesa de su dimóniu 2. in s'ogru bi zuto malesa ◊ s'abba che mundhat dogni malesa ◊ sas últimas dies de frearzu che fint catzendhe sa malesa de s'ijerru ◊ su laore de maghinare pro su pane si purgat bene ca bi at sempre malesa ◊ su binu cheret fatu passare pro si assentare sa malesa in fundhu 3. aju ndh'ant de chircare in cussa costa: sa cuvileta est vene posta de candho fit carca sa malesa ◊ su logu cheret innetiadu ca est prenu de malesa ◊ matas de onzi zenia tupant su logu: su pastore atraessat montes e badhes de malesa in chelta de s'anzone 4. una malesa de pilos castanzinos coronat sa pensosa fronte mia 5. at bistu pubas passandho apalas de su muru, ma no at parau malesa e at sighiu a s'ammungiare in su chi fut faendho ◊ nos ant bidu paris, calicunu bi at postu malesa e at fatu s'ospia Surnames and Proverbs smb: Malesa Etymon ctl., spn. malesa Translations French méchanceté, impureté, broussailles English wickedness, impurity, brushwood Spanish maldad, maleza Italian malvagità, impurità, sterpame German Bosheit, Niedertracht, Unreinheit, Gestrüpp.

pronitzàrzu , nm: prunitzàgiu, prunitzarju, prunitzarzu Definition donnaghe de prunetza, logu totu prunischedha Synonyms e antonyms prunedu Etymon srd. Translations French broussailles English scrub Spanish zarzal Italian sterpàio German Gestrüpp.

scrachirài , vrb Definition segare su cràchiri, is tupas, illimpiare su terrenu Synonyms e antonyms ammatutzare, immatai, ismatutzare, ispatare, matai Etymon srd. Translations French débroussailler English to deforest Spanish desbrozar Italian decespugliare German Gestrüpp entfernen.

strúvu , nm Definition malesa chi creschet in su logu mescamente candho no est trebballau (tupighedhas, fenu, erbas linnosas) Synonyms e antonyms busàmene Sentences mamma mia andaiat a pei de Crabas a Sinis po ispigai e faiat su caminu in mesu de su struvu Translations French broussailles English brushwood Spanish zarzal Italian sterpàglia German Gestrüpp.