conchèdha 3 , nf Definition sa punta de sa natura de s'ómine: dhi narant conchedhu puru / iscocolletare sa conchedha = innudare, iscugudhai sa conchedha tirendhe issegus s'iscrafudhu (pedhe) Synonyms e antonyms cocollete, iscrafudhu, papu 1 Scientific Terminology crn, ssl Etymon srd. Translations French glande génitale English glans Spanish glande, bálano Italian glande German Eichel.

iscrafúdhu , nm Definition de sa natura de s'ómine, su pigighedhu de pedhe chi ammontat sa conchedha o fintzes cust'úrtima (tirare issegus s'i. = iscocolletare sa conchedha) Synonyms e antonyms conchedha 3, papu 2 Scientific Terminology crn, ssl Translations French prépuce, glande English prepuce, glans Spanish prepucio, glande Italian prepùzio, glande German Vorhaut, Eichel.

làndha , nf, nm: landhe, landi, làndiri 1, lanne Definition su frutu chi faent crecos, ílighes (landhe d'élighe) e suèrgios (l. suerina): su pitzu o cugudhu coment'e crobedha a ue est atacau su landhe est su cocotzu o cogòcia o fintzes raga, corbinzola Synonyms e antonyms grandhe 1 Idioms csn: andhare a l. = andai a bodhiri làndiri; cotu a perra de làndiri (nau de is loris) = cotu a perras, chi no at cotu bene ca est de mala cotura; ghetàresi che porcu in su l. = a s'airada, cun ganas manna, comenti a cosa chi praxit meda; zenia de frastimu: corpu de landhe… e s'àrbure ifatu!; làndiri de mari = su frutu de sa pallamarini, bòcia de ispiàgia, fintzas una zenia de frutighedhu chi faghet un'àliga de mare (sa "Posidonia oceanica") Sentences dhue teniat landhe de orròali meda, dhue fut su landhe a bodhie a giuntas! ◊ su procu iscrichiobàt làndiri a cantu podiat ◊ sos tazos teniant sa landhe a trazadura ◊ sos procos che sunt in su lanne ◊ si est agatau mortu de fàmini, istracibau e papendi làndiri Surnames and Proverbs smb: Lande, Landi, Landis / prb: làndiri a fàmini castàngia parit ◊ su landhe ruet a sa parta Etymon ltn. glandine(m) Translations French gland English acorn Spanish bellota Italian ghianda German Eichel.

pàpu 1 , nm Definition sa punta o conchedha de sa natura de s'ómine / iscugudhai su p. = iscocolletare, tirare issegus su pedhutu (iscrafudhu) chi lu muntenet cuguzadu Synonyms e antonyms conchedha 3 Scientific Terminology crn, ssl Translations French glande English glans Spanish glande Italian glande German Glans, Eichel.

resmíglia , nf Definition sa punta, sa fae o conchedha de sa natura de s'ómine Scientific Terminology crn Etymon spn. rezmilla Translations French glande génitale English glans Spanish glande, bálano Italian ghianda del pène German Eichel, Glans.

«« Search again