Ditzionàriu in línia
de sa limba e de sa cultura sarda

cumpròa , nf, nm: cumprobu, cumprou Definition su chi si faet po bíere o ischire cun precisione si una cosa est própriu de una certa manera, o si unu est naendho o at nau sa beridade Synonyms e antonyms iscumbata, iscumprou, proadorzu, proadura, provaveru, rinzida Sentences de s'operadu ’e sa vida passada no l'inzunzemus mancu po cumprou! ◊ dàendhe a totugantos su cumprou de su chi ses nendhe! Etymon srd. Translations French épreuve, sondage, contre-épreuve English test, countercheck, survey Spanish prueba, encuesta, contraprueba Italian pròva, esperiménto, sondàggio, contropròva German Prüfung, Versuch, Erkundung, Gegenprobe.

cumproàre, cumprobài, cumprobàre , vrb: cumprovai Definition iscumbatare, provare a bíere si una cosa est o coment'est, si est abberu, si arresurtat Synonyms e antonyms controbbare, iscumproare, proare Sentences lu cherzo cumproare a bídere si est abberu su chi narat! ◊ a sa banca bi sunt lómpidos sos cummissàrios pro cumproare sos contos ◊ già chi cumproadu ti apo, est finidu s'istimare! (G.L.Salis)◊ Gesugristu torrendi a biu at cumprobau sa Divinidadi sua Etymon spn., ctl. comprobar, comprovar Translations French mettre à l'épreuve English to put s.o. to the test Spanish poner a prueba, demostrar Italian méttere alla pròva, dimostrare German auf die Probe stellen.

innétu , nm Definition su chi si narat, su chi si atrogat de sa cosa chi s'ischit de chistiones angenas, mescamente a unu porrogu / dare s'i. = bogare proas, crarire comente faghet unu a no tènnere sa curpa chi li ant betadu Synonyms e antonyms proa, testimognu, testimonia Sentences devides dare s'innetu de cantu narades! Etymon srd. Translations French témoignage English evidence Spanish prueba, testimonio Italian testimonianza, prova German Zeugnis, Beweis.

iscumbàta , nf, nm: iscumbatu, scumbatu Definition su chi si faet po bíere o ischire giustu comente una cosa est, o si unu est naendho o at nau sa beridade / èssere de i. = coment'e campioni, de arregodai a paragoni Synonyms e antonyms aprobbu, cumproa, proadorzu, proadura Sentences pustis de sa diciosa iscumbata, fint cunvintos chi su remédiu fit bonu de abberu ◊ unu note fidadu l'apo solu, tantu pro fàghere s'últimu iscumbatu (G.Pinna) Etymon srd. Translations French nouvelle preuve, contrôle, sondage English proof (fresh), experimental test, survey, check Spanish prueba, evidencia, confirmación Italian ripròva, pròva sperimentale, riscóntro, sondàggio German Probe, Untersuchung, Bestätigung, Erforschung.

pròa , nf, nm: proba 1, probu, prou, prova, provu Definition cosa chi si faet po pòdere bíere si andhat bene, ite arresurtau giaet, comente essit, o fintzes fata o fata fàere apostadamente po giare a bíere calecuna cosa; fata unu pagu ispantosa, chi arrechedit coràgiu meda, capacidades mannas Synonyms e antonyms iscumbata, isperimentu / balentia, proesa Idioms csn: a proas, a brintzis proas = a probia, a bínchidas, a trivas de pari; èssere a proa a… = èssiri acanta a…, apunta a…, aproba, bi cheret pagu a…; a prou, a probu = cun proa, apustis proadu; bogai a faci de proa = pònnere duos apare pro iscumbatare sa beridade; fàghere proa = balentia, cosa ispantosa Sentences oe so forte che a primoria, mancari betzu: ndhe apo dadu prou ◊ ti ponzo a su prou, andhe chi mi as postu sa marrania! ◊ custu mi atzertat comente (e mi das giustu prou) chi ancora su coro tou de su passadu est dolente (G.Masala)◊ custu libbru deviat èssere coment'e unu provu ◊ cheret fatu sa proa a bídere comente essit custu triballu 2. arratza de proa chi at fatu!…◊ za l'as fata sa proa a ti che ispèrdere su chi tenias!…◊ méritu e prou pro àere fatu cussa crésia in parte est de su preíderu ◊ bido chi ses fatendhe pagu proa e tantu no bi arrivis a s'intentu! 3. cussa pedra fit a prova a si che la leare un'àteru ◊ sa missa est a proa a intrare ◊ candho cudha fit a proa de palturire ant cramadu zente ◊ s'istajone de sas abbas fit a prova (G.Maieli)◊ babbu mi at fatu de mastru a totu prou ◊ totu faghiant a brintzis proas pro carrare rena e pedra (G.Ruju)◊ est a proa a mesudie ◊ is amigas faiant a proa de pari po si ndi furai s'isposa Etymon srd. Translations French preuve English proof, test, try Spanish pruba, demostración Italian pròva, dimostrazióne German Probe, Beweis.