Ditzionàriu in línia
de sa limba e de sa cultura sarda

càda , agt, prn: cara 2, cata 1 Definition agt. indefiniu chi acumpàngiat unu númene (mescamente de tempus) chentza cambiamentos de genia e ne de númeru, singialat prus che àteru sa distintzione de sa síngula cosa pentzada coment'e ripetidura, una cosa chi torrat a èssere; in campidanesu si ponet a prn. puru; cun male faet una genia de superlativu: male cadamale = male a su peus puntu Synonyms e antonyms dogna Sentences a cada die su pessamentu sou! ◊ cada cristianu at a ischire ite depet fàghere ◊ sunt lendhe sa pentzione cada duos meses ◊ cada pacas dies andhat a dommo de sa pitzoca ◊ in cata tzilleri si firmaiat a si la víere 2. in sa divisioni fiat tocau a cad'e cincu sodhus ◊ ant bociu una baca in cuatru: dhis est tocau a cad'e setantaxincu chilus de petza ◊ dèu e fradili miu teneus a cada de unu cani ◊ poneus a cad'e cincu mila e si papaus una brebei! ◊ dhis at ghetau a cada de una turra de símbua a donniunu ◊ cussus si ndi pigant a car'e su dexi pro centu 3. fit ricu, ma como est andhadu male cadamale ◊ s'isàminu est andhadu male cadamale Etymon ltn. cata Translations French chaque English every Spanish cada Italian ógni, ciascuno German jede.

cadaúne, cadaúnu , prn: cadeunu, cadiune, cadunu Definition totugantos, ma cunsideraos a unu a unu Synonyms e antonyms dognunu Sentences caminavamus cadaune chin s'arma sua ◊ cadaunu at sa parte sua Etymon ltn. cata + unus Translations French chacun English everybody Spanish cada uno Italian ciascuno, ognuno German jede.