Abbreviations Legenda | Symbols Legend

àglia , nf: alza, àrgia, arza, arxa, àrxara Definition àrgia ispitzuladora o arza pinta, bobboi malu, arangiolu velenosu chi candho móssigat dolet meda e a tempus longu chi unu agiummai s’imbortighinat: cust'arangiolu faet su niu in terra, in mesu de s'erba, est iscuriosu de colore, portat tréighi marchighedhos orrúbios in sa parte de sa bentre (a parte de pitzu); in calecunu logu su matessi númene dhu narant a una genia de frommiga velenosa ma chi no faet deasi male; a logos narant àrgia a dónnia arangiolu e sa velenosa est ispitzuladora / s'àrgia est de tres arratzas: bagadia (froria, colore de orrosa), cojada (orrúbia), fiuda (niedha) Synonyms e antonyms acuasantera 1, assàrgia, bàrgia* Idioms csn: fàghere su ballu de s'arza a unu = fai su ballu pro unu chi dh'at ispitzuau s'àrgia; èssere ferenau che un'àrgia = crependhe de su fele Sentences arza niedha pinta fatesit fizos trinta ◊ mossu de arza, tocu de campana! ◊ s'est sadhiu pariat chi dh'iat puntu s'àrgia ◊ su spítzulu de s'àrgia fait bènni iscimíngius de conca ◊ sa puntura de s'àrgia mascu dolet de prus 2. su ballu de s'arza chi ti fetant! ◊ zai ses maseda… paret chi ti at mossigadu un'arza de ballos! Scientific Terminology crp, latrodectus tredecim-guttatus, myrmilla erythrocephala Translations French veuve noire méditerranéenne English Mediterranean black widow Spanish araña sangrienta, viuda negra europea Italian malmignatta German Mediterrane Schwarze Witwe.

batía , nf, agt: vatia Definition fémina cojuada chi dhi est mortu su pobidhu / b. a duas bias = chi che li est mortu su de duos maridos puru, imbatiada torra Synonyms e antonyms bida 1, biuda, gatia* Sentences li est mortu su maridu e lassada l'at batia ◊ disdiciada, so torra batia, chen'afianzu! Translations French veuve English widow Spanish viuda Italian védova German Witwe, verwitwete.

biudèdha , nf: viudedhas Definition chintorza o erba de santu Giuanne, o erba de isproni, genia de erba bona fintzes po meighina po s'orrúngia Synonyms e antonyms scabbiosa, viudas* Scientific Terminology rba, Sixalix atropurpurea ssp. maritima Translations French veuve English sweet scabious Spanish viuda Italian vedovina German Samtskabiose.

fiúda , nf, agt Definition fémina cojuada chi che dhi est mortu su pobidhu / foghighedhu de f. = míseru, cun pagu linna Synonyms e antonyms batia, bida 1, biuda, gatia Sentences Irene fit sa fiuda de Càstulu màrtire e màrtire issa puru cun sas sorres ◊ est abarrada fiuda e no si est torrada a cojai Translations French veuve English widow Spanish viuda Italian védova German Witwe, verwitwet.

soloíga, solóiga , nf: solorga, solóriga Definition genia de arangiolu malu che a s'àrgia (dhi narant arranzolu de s'arza, arangiolu sulau): sa puntura est dolorosa meda; a logos est una genia de formiga manna Synonyms e antonyms anzalora, anzalóriga, suiga / aragnolu Scientific Terminology crp Translations French malmignatte English malmignatte Spanish viuda negra Italian malmignatta German Malmignatte.

«« Search again