àpara , nf, nm: àparu Definition
porru de angioni, genia de erba areste chi faet unu pagu che a s’àgiu, ma a cambu meda prus fine, biancu, unu pagu a conca (pagu prus grussa de su cambu) in s'oru de is arraighinas, unu pagu a triàngulu (in setzione), frores biancos a pubusone in punta furriaos conca a bàsciu a bisura de campana, de fragu e sabore forte, bona a papare
Synonyms e antonyms
antzangioni,
gusaju,
porru
/
cdh. sàmbula
Idioms
csn:
falàresi chei s'àpara in su mese de maju = arrui acomenti fait cust'erba in maju, candu si acaramat e sicat; genia de frastimu: abbasciau chei s'àpara!; vívere a coa de àpara = campare a fàmine, a dilléziu, cun cosighedhas de pagu contu
Sentences
sos amministradores ant intituladu carrelas e piatzas a zente chi a bidha no li at dadu mancu un'àpara ◊ che fuint essidos time time, cun sas ancas modhes che àparu in maju (A.Cossu)◊ amus fatu sa falada chei s'àpara de maju!
Scientific Terminology
rba, rbz, Allium triquetrum
Etymon
ltn.
cappara
Translations
French
ail à trois angles,
ail triquètre
English
wild garlic
Spanish
lágrimas de la virgen
Italian
àglio angolare
German
Glöckchen-Lauch.
gusàju , nm Definition
porru de angioni, genia de erba chi faet unu cambighedhu biancu, fine che sa chibudha tzeurrada, unu pagu a concutza in s'oru de is arraighinas, fògia unu pagu a triàngulu (in setzione), de fragu e sabore forte, bona fríssia cun oos o fintzes crua (a insalada puru)
Synonyms e antonyms
àpara,
porru
Scientific Terminology
rba, rbz, Allium triquetrum
Translations
French
ail à trois angles,
ail triquètre
English
allium triquetrum (grass)
Spanish
lágrimas de la Virgen
Italian
àglio angolare
German
Glöckchen-Lauch.
Nostrasennòra, Nostrasignòra , nf Definition
nostra segnora: sa mama de Cristos, cunsiderada mama de is cristianos puru
Translations
French
la Vierge
English
our lady
Spanish
la Virgen
Italian
la Madònna
German
die Madonna,
die Gottesmutter Maria.
vérzine , agt, nf: vílgine,
vílzine,
vírgine,
vírgini,
vírzine Definition
nau de una css. cosa, chi tenet totu is calidades ínnidas, chi no che dhi ant bogau sustàntzia peruna, chi est chentza tocada; nau de persona, chi no at mai tentu peruna unione sessuale cun àtera / sa Vérzine = Nostra Segnora, sa mama de Cristos
Synonyms e antonyms
índidu
| ctr.
tocadu
Idioms
csn:
binu vírgini = chi no at budhidu; carrada vírgini = chentza tocada; èssiri vírgini de una cosa = no bi àere leadu parte in nudha
Etymon
itl.
Translations
French
vierge
English
virgin
Spanish
virgen
Italian
vérgine
German
unberührt,
Jungfrau.