Ditzionàriu in línia
de sa limba e de sa cultura sarda

arregài , vrb: regrare Definition su si fàere sa regra, a regra, fàere sa rega; fintzes chistire, pònnere a parte Synonyms e antonyms allogae, collire 2. tenit su dinai arregau in su calàsciu Etymon srd. Translations French attraper le favus English to make honeycomb Spanish hacerse panal Italian farsi favo German die Honigwabe bilden.

avère , nf: bera, vera 1 Definition su pane de chera totu buidedhos paríviles (búsciulus o oxos) ue s'abe ponet su mele Synonyms e antonyms arrega, bresca, melarègia, tipa 1 Sentences sas averes de su mele ◊ tue as isapiatu sas averes ◊ su puzone chin sos frores de tiria at formatu sas averes: sos mojos sont prenos de mele e cria (G.Farris) Scientific Terminology sbs Translations French rayon de miel English honeycomb Spanish panal Italian favo German Bienenwabe.

càsa , nf Definition abiàrgiu, casidhu, su niu chi faet s'abe in is tuvos de is matas o de orrocas, o fintzes àteru bobboi chi faet mele / min. casedha Synonyms e antonyms istallu 1 / abialzu, bugnu, caidhu, mógiu, moitedhu Sentences una borta e dua ndhe li apo intesu, a babbu, de contos de casas de abe!…◊ su muscone, si li forroxant sa casa, si difendhet cun rejone! ◊ lis mustresit s'abe in sas casas Surnames and Proverbs smb: Casa, Casas Scientific Terminology sbs Translations French nid d'abeilles English beehive Spanish panal de abeja Italian nido delle api German Bienennest.

cimbússa , nf: cimussa, gimussa, tzimusa, zimussa Definition sa fasca de pònnere a su pipiu de naschidórgiu imbodhigada in chintzu (o de àtera genia po fascare un'arremu); genia de chintórgiu largu de pònnere in chintzu, in costúmene de fémina Synonyms e antonyms chimusa, fasca / cdh. cimuxa Sentences candu nasciat su pipiu serbiant is cimbussas, su triàngulu, su cuacedhu ◊ po sa fasciadura is cimbussas, unu poghedhu fragósidas, si dhas prestàt tziu Pietrinu Scientific Terminology bst Etymon ltn. cimussa Translations French lange, lisière English selvage Spanish pañal Italian fàscia per neonati German Windel.

culíciu , nm Definition panníciu chi s'imbodhigat a su culitu de is pipiedhos Synonyms e antonyms mantedha 1 Etymon srd. Translations French couche-culotte English napkin Spanish pañal Italian pannolino assorbènte German Windel.

mantèdha 1 , nf, nm: mantedhu 2, montedhu, muntedhu Definition coment'e unu pannighedhu chi si ponet a is pipios po dhis imbodhigare su culitu; a logos est fintzes su muncadoredhu Synonyms e antonyms cuatzu, culíciu Sentences tenet una criadura ancora in muntedhos ◊ dogni die li devimos samunare sos muntedhos a su pitzinnu ◊ sos mantedhos de su pitzinnu sunt ispartos pro assutare ◊ su montedhu fit de oro, sa mantíglia de brocadu Scientific Terminology bst Etymon ltn. mantellum Translations French couche, lange English napkin Spanish pañal Italian pannolino German Windel.

melarègia, melarèja , nf: melarregra, melarreja Definition taedha de mele, su pane de chera totu buidedhos paríviles, búsciulos, ue s'abe ponet su mele; su mele ancora in sa bresca Synonyms e antonyms arrega, avere, bresca, tipa 1 Scientific Terminology sbs Etymon srd. Translations French rayon de miel, gaufre English honeycomb Spanish panal, bresca Italian favo German Wabe.

panníciu , nm: pannissu, pannitu, pannitzu Definition tiagedha po imbodhigare su pane chi si portat a sartu, o prus pitica po si frobbire papandho; pannighedhu chi ponent is féminas candho dhis benit su mese; tira longa de orrobba, o latzada, larga de 10 a 15 centímetros, chi ponent a is pipios de naschidórgiu po dhos imbodhigare Synonyms e antonyms fasca Sentences pro su candhelarju depies zúchere in manos su pannitu e tochedhare in sos portales ◊ in su pannitu fit collia sa gràssia chi depiat caentare s'istomachedhu de sos fizos ◊ pane e aunzu est totu in su pannitzu ◊ zuchiat sos murros inghisios de bagna e si los puliat non chin su pannitu ma chin d-una colada de brússiu 2. tocat a preparai cambuscedhus, pannitzus e latzadas po candu nascit su pipiu ◊ tèngiu ancora is pannitzus e is latzadas de candu iu tentu a tia: deghinou ge m'iat a èssi costau, cust'àteru pipiu! Scientific Terminology ts Etymon srd. Translations French linge, couche, serviette hygiénique English napkin, sanitary towel Spanish tela, compresa, pañal Italian pannolino German Tüchlein, Windel, Binde.

règa , nf: arrega, era 2, règia, rege, regra, reja Definition su pane de chera totu buidedhos paríviles ue s'abe ponet su mele; sa fita de su casu segau in su cadhàrgiu po ndhe dhu piscare faendhodhu a pischedha / una rega de cazau = una fita de callau, de preta Synonyms e antonyms avere, bresca, legra, melarègia, tipa 1 / fita Sentences tirabat sas regras, las secabat e dogabat sa parte bianca ◊ una regra de mele t'imbio, pitzinnu innoscente! ◊ nche at sutzau su mele e fulliau sas regras ◊ leu, cheripighe, mele e chera pones in rejas bene modelladas Scientific Terminology sbs Etymon ltn. reg(u)la Translations French favus, rayon de miel English honeycomb Spanish panal Italian favo German Wabe.

sambenàgia, sambenàja , nf: sambenarja, sanghinaja, sangonaja Definition cranuga de còscia, gurone e dolore a s'ímbena; fintzes infetu chi faet a essiduras chi si faent a matéria, pitichedhedhas (laturredhas) chi assimbígiant, totus impare, a unu niu de espu Synonyms e antonyms coscizola / ghesparju Scientific Terminology mld Translations French adénite inguinale, favus English inguinal adenitis, favus Spanish adenitis inguinal, panal Italian adenite inguinale, favo German Leistenadenitis, Wabe.

típa 1 , nf Definition taedha de mele, su pane de chera totu buidedhos paríviles, búsciulus, ue s'abe ponet su mele Synonyms e antonyms arrega, avere, bresca, melarègia Scientific Terminology sbs Translations French favus, rayon de miel English honeycomb Spanish panal Italian favo German Honigwabe.