Ditzionàriu in línia
de sa limba e de sa cultura sarda

apèdha , nf, nm: apedhu Definition sa boghe comente dha faet su cane / min. apedhutzu Synonyms e antonyms apedhaja, apedhamentu, apédhigu, atóchida, bàulu, tzàulu Sentences dae sa tanca si pesat atzudu s'apedhu de sos catedhos ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G. Solinas)◊ s'intendhet s'apedhu de sos canes Surnames and Proverbs smb: Apeddu, Appeddu Scientific Terminology bga Etymon srd. Translations French aboiement English bark Spanish ladrido Italian abbàio German Bellen.

apedhàda , nf Definition su apedhare Synonyms e antonyms apedhamentu, saulada Sentences una cane runzosa totu infelonida mi faghet s'apedhada… Etymon srd. Translations French aboiement English barking Spanish ladrido Italian abbaiata German Gebell.

apédhida, apédhidu , nf, nm Definition su apedhare de is canes Synonyms e antonyms apedha, apédhigu, atocu, bàulu, inciau, tzàulu Sentences no si at intesu nudha, ne túdhiu e ne apédhida peruna: sos canes fint che paralizados ◊ dae s'apédhida si cumprendhet si su cane at intesu tzocu de zente o de àteru Scientific Terminology bga Etymon srd. Translations French aboiement English bark Spanish ladrido Italian latrato German Gekeife.

atóchida , nf Definition genia de apédhidu de su cane Synonyms e antonyms atocu Sentences su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Scientific Terminology bga Etymon srd. Translations French aboiement English barking Spanish ladra, ladrido Italian abbaìo, canizza German Bellen.

bàulu , nm: abbàulu Definition sa boghe de su cane Synonyms e antonyms apédhida, apédhigu, apedhu, atocu, tzàulu Scientific Terminology bga Etymon srd. Translations French aboiement English barking Spanish ladrido Italian abbàio, latrato German Bellen, Gekläff.

inciàu , nm: issàulu, intzàulu Definition sa boghe de su cane Synonyms e antonyms apédhida, apedhu, itzàbiu, tzàulu* Sentences cani chi inciàuat no mússiat: ispereus chi siant isceti inciaus! ◊ a s'intzàulu de su cani, su messaju si nd'iscudiat de su letu e pigàt s'iscupeta Scientific Terminology bga Translations French aboiement English bark Spanish ladrido Italian latrato German Gekeife.