Ditzionàriu in línia
de sa limba e de sa cultura sarda

isconnortàdu , pps, agt: iscunortadu Definition de isconnortare; chi no tenet acunnortu; chi ndhe at pérdiu s'isperàntzia Synonyms e antonyms isarcadu, isporadu / iscréditu 2. sa morte sua nos at lassadu isconnortados ◊ si at postu sas manos in conca, iscunortadu ◊ sa vida passo iscunortada cun sos reziros pro mi annichilare 3. cozubaos vinti chimbe annos, che fudint isconnortaos de tènnere fizos Translations French désespéré, abattu, découragé English discouraged Spanish desanimado, desalentado Italian sconfortato German verzagt.

isporàdu , pps, agt: isporau Definition de isporare; chi no tenet o chi at pérdiu su pore, su coràgiu, s'ibertu, chi pentzat de no bínchere is dificurtades Synonyms e antonyms aferrighinzau, isarcadu 2. isporada, no cherjo prus gherrare ◊ como so isporadu e no apo àschida ◊ aite sezis goi isporaos? corazu, azis a bíere chi benies impresse a bos isposare! ◊ sa robba est isporada e istasida dae s'atunzu male poltzedidu ◊ intendhendhe cantu aiat nau su dutore, si ndh'est pesau a cara asseriatzada e unu pacu isporau ◊ it'est custu oriolu chi est forrocandhe s'ànima isporada?! Translations French déprimé, éffaré, désespéré, découragé English daunted, depressed, desperate, discouraged Spanish desanimado, desalentado Italian deprèsso, sgoménto, disperato, sfiduciato German niedergedrückt, verzweifelt, verzagt.