Ditzionàriu in línia
de sa limba e de sa cultura sarda

cabóru , nm: caloru, caoru, carodu, coloru, coró Definition colora puzonarza, píbera soliana, genia de animale longu longu e fine, chentza peis e ne farrancas, chi caminat illascinandho, trisinandho a egaseogas in terra (ma che artzat fintzes in is matas) e faet is oos / min. coroitedhu; coloru puzoninu = chi si mànigat sos oos, sos puzonedhos in su nidu; serrare una gianna a coloru = afacare, tambare ma chentza la serrare bene Synonyms e antonyms colobra*, tzorompis Sentences timit is calorus chi no benit a bèni! ◊ as a papai píberas e caorus me in s'inferru! ◊ sos coloros no móssigant e, si bient zente, si fuint ◊ parit ca portu corous in brenti! Surnames and Proverbs smb: Coloru, Coloreddu Scientific Terminology anar, coluber viridiflavus viridiflavus, c. hippocrepis hippocrepis, elaphe longissima longissima, natrix maura, n.n. cettii Translations French couleuvre English grass-snake Spanish culebra Italian bìscia German Natter.

cèrpe , nm: serpe, tzerpi Definition genia de animale longu longu chi si movet fruschinandho e illascinandho in terra; àteros animaledhos chi noghent Synonyms e antonyms colobra / arrasia, grodhe, telpe* Sentences àbbile ammuntadore, lassa sos anzones meos: piga su cerpe e s'arretulia! Scientific Terminology anar Translations French serpent English serpent Spanish serpiente, culebra Italian sèrpe German Schlange.

colòbra , nf, nm: colora, colovra, colovru, colóvuru, cólubru Definition coloru pigionàrgiu, pillonadori, tzerpe longu longu, chi andhat trisinandho in terra a egaseogas o a brínchidos puru: su coloru de monte est prus piticu e a logos dhi narant Tziu o Mastru Predu; su fedu nou naschit a oos / genias de c.: c. de abba, c. puzonarza Synonyms e antonyms caboru, serpe, serpente, tzorompis / ttrs. curora Idioms csn: ischirchinàresi che c. = mòeresi che a una colora tenta a sa coa, chi si allórigat e s'iscútinat, totu; andhare, colare a colobrinu = a egas e a ogas, totu a furriadas, a biraorba Sentences una rana si ch'est intrada, a isporrónchios de assustru, a sa gorgobena de una colobra ◊ s'abba bos est fachenne a sàmbene de colovra: vinu bi cheret! ◊ in su sede de su trigu sardaresu no bi rupiat mancu sa colora 2. est totu a molinadas che colobra ◊ portat su sàmbene fritu che colovra ◊ m'intano che colora e mancu a fumu de istratzu m'iscotant! ◊ mi pínnigo che una colora ◊ s'istrada fit intorticata che colovra Scientific Terminology anar, coluber viridiflavus viridiflavus, c. hippocrepis hippocrepis, elaphe longissima longissima, natrix maura, n. n. cettii Etymon ltn. *colobra Translations French couleuvre English serpent Spanish culebra Italian biacco, sèrpe German Schlange.

píbara , nf: píbera, pípara, pípera Definition genia de arrasia velenosa chi assimbígiat a su coloru, ma chi no si agatat o no faet in Sardigna: is chi si agatant funt su coloru de abba o tartza (p. de arriu, de àcua, de modhe: natrix maura) e un'àteru coloru mannu chi faet fora de s'abba (p. de sicu, de soli, soliana, coluber hippocrepis); est animale sèmpere pigau a paragone po gente mala / sulai che píbera = furriàresi male arrennegados, arrespòndhere a boghes Sentences che píbera chi pistu li ant sa coa ti boltas a sa tzega a mossigare (P.Porcu)◊ sunt che píberas de sicu ammanitzendhe trobeas pro afunare ideas e fadigas ◊ no ti tzachis, ca paris una píbara! ◊ nàsciu, suat che una píbara! ◊ ferenandhe che píbera, cumintzat a boghes contras a su fizu ◊ arrebbugia, candu dha fuedhas si fúrriat comenti a una píbara! Scientific Terminology anar, natrix maura, coluber hippocrepis Etymon ltn. vipera Translations French vipère, couleuvre sarde English viper, grass snake, sardinian coluber Spanish culebra viperina, culebra de herradura Italian vìpera, bìscia viperina, còlubro sardo German Ringelnatter, Hufeisennatter.

tàrtza , nf Definition píbera de abba, genia de coloru pitichedhu chi in istade faet abbitu meda a mesu de s'abba po cassare arranedhas, pische o àteru a papare Synonyms e antonyms idru, lircis, lurtzi Scientific Terminology anra, natrix maura Etymon srdn. Translations French couleuvre à collier English grass snake Spanish culebra viperina Italian bìscia viperina German Natter.

tzorómpis , nm: tzorrompi Synonyms e antonyms agilestru, atalighelte, caixedha, coxueta, lucesti, sintzirigheta, talaerta, tilicherta / caboru, colobra Scientific Terminology anar Etymon srdn. Translations French lézard, couleuvre English lizard, grass snake Spanish lagartija, culebra Italian lucèrtola, bíscia German Eidechse, Natter.