buciàca , nf: bugiaca,
busaca,
busciaca,
bussaca,
butzaca,
buxaca Definition
genia de sachedhu cosiu mescamente a parte de aintru in su bestimentu (pantalones, giacheta, àteru) po pònnere calecuna cosa (muncadoredhu, lepedha, arrellórgiu, portafógliu, o àteru)/ min. buciachita
Synonyms e antonyms
burzaca,
busciàcara,
busciota
Idioms
csn:
cumpudai, forrogai is buciacas, in busaca; b. faltza = chi no si bit de foras, a parti de aintru (pro pònnere su portafollu); fàchere sas ficas in b. = a traitoria; ponnirisí a unu in b. = bíncherelu cun fatzilidade, fàgherendhe su chi si cheret
Sentences
su pisedhu zughet sempre sas busacas prenas de cosighedhas ◊ pro frobbire sos ispijitos giughiat unu bículu de pedhe in busciaca ◊ de sa buciachita de su cropetu ndi at bogau un'acodedhu de zigarru ◊ portiat unu pistocu in sa bussachedha
2.
issa est ancora giòvana e sana e a calencuna bagadiedha si dha ponit in bugiaca! ◊ ti ndhe bogat sos corros de bussaca cun tratos veramente de signore e tue cotu faghes ruta fea!
3.
bai ca no mi ponis in busciaca!
Etymon
ctl.
butxaca
Translations
French
poche
English
pocket
Spanish
bolsillo
Italian
tasca
German
Tasche.
burzàca , nf: buzaca Definition
genia de sachitu cosiu in su bestimentu (pantalones, giacheta, e àteru) a pònnere calecuna cosa (muncadoredhu, sa lepedha, s'arrellórgiu, su portafógliu)
Synonyms e antonyms
buciaca*
Translations
French
poche
English
pocket
Spanish
bolsillo
Italian
saccòccia
German
Tasche.
mucadorédhu , nm: mucaloredhu,
muncadoredhu,
muncaloredhu Definition
orrugu cuadrau de orrobba de portare in busciaca po innisire su nasu, limpiare is murros, o àteru; est fintzes muncadore piticu
Synonyms e antonyms
pannigioledhu,
pannutzedhu
Sentences
cust'ómine comintzat a pránghede a borrighinos e si che at tirau su mucadoredhu de buzaca ◊ pònedi mucadoredhu in busaca, no ti bisonzet!
2.
maridu e mulleri fiant a murrúngiu ca issa boliat pigai unu mucadoredhu de seda
Translations
French
petit mouchoir
English
small hanky
Spanish
pañuelo de bolsillo
Italian
fazzolettino
German
Taschentuch (kleines).