abbèrtere , vrb: abèrtere, avèrtere Definition dare tocamentu, nàrrere cosa de importu a unu pruschetotu po chi no tèngiat dannu, o po chi no fatzat cosa de male, chi no si depet Synonyms e antonyms abertire, ammonestai, apretzetai Idioms csn: avèrteresi de carchi cosa = èssiri capassu, pràtigu de ccn. cosa; avèrtere a carchi cosa = darebbei tentu, fagherebbei atentzione; avèrtere carchi cosa = castiai, abbaidare Sentences s'istintu de si fràndhere si fit ponendhe in motu e lu fit abbertendhe chi depiat mantènnere sos ocros apertos bene 2. s'avertiat de machinàrios e motores imbentatos a novu 3. a custa cosa deo no bi apo avértidu ◊ sa fémina sighiat a avèrtere su pobidhu mortu ◊ passant is màscaras faendho erríere sa gente chi est avertèndhoro peri is orrugas ◊ averte a no mòvere nudha, innoe! Etymon ltn. advertere Translations French avertir, prévenir English to inform, to warn Spanish advertir, avisar Italian avvertire German warnen.

abbisàre 1 , vrb: avisai, avisare Definition mandhare un'avisu, un'isceda, fàere o giare a ischire; mandhare a nàrrere, tzerriare po atobiare o bènnere a ccn. logu; giare un'avertimentu, un'ammonestu / a. a unu de unu logu = cramarendhelu Synonyms e antonyms abertire / ammonestai Sentences órdine de su síndhigu, si avisat sa populatzione chi a sas tres si serrat s'abba 2. l'ant avisadu a caserma, a iscola, a sa leva, a sa comuna ◊ bae e avisandhelu, a babbu tou, ca che serbit isse! ◊ avisàtelu chi ghiret dae Continente! 3. ti apo avisadu, mih: si ti cumbinat un'àtera borta che pagas totu! Etymon itl. Translations French avertir English to inform Spanish avisar Italian avvisare, convocare German benachrichtigen.

apretzetài, apretzetàre , vrb: pertzetare* Definition pònnere precetu, giare avertimentos, giare órdines siat po fàere e siat po no fàere calecuna cosa Synonyms e antonyms abbèrtere, ammonestai, atibbai, impreigare, prenusciare Sentences si dh'iu apretzetau, a Filomena, de dhi ponni unu pinnadedhu! (A.Garau)◊ mi at apretzetau de no nai cantus annus tenit ◊ una cosa ti apretzetu: no castis is féminas! ◊ babbu mi adiat apretzetau de m'irdèrghere ca teníamus de pastinare Translations French enjoindre, admonester English to bind over, to admonish Spanish avisar Italian ammonire, precettare German warnen, mahnen.

«« Search again