Ditzionàriu in línia
de sa limba e de sa cultura sarda

acotiladúra , nf Definition su acotilai, su regòghere, regoghidura Synonyms e antonyms acotinada, acotilamentu Etymon srd. Translations French bronzage English tan Spanish bronceado Italian abbronzatura German Bräunung, Sonnenbräune.

acotilài , vrb: acotiliai, acotobiai, acotoliai, acotoriai, acotulai, acotuliai Definition nau de cosa bianca o chi tirat prus a su biancu, cambiare colore de pàrrere brutu, fàere coment'e cotu, siat de sole e siat de brutesa: nau de sa pedhe de sa persona, fàere in colore chi tirat a su cafei Synonyms e antonyms abburare, acotinare, ammoriscai, anniedhigai, atragonare, inniedhigai, recòghere | ctr. ilbiadire Sentences no dh'ollu prus biri su logu acotoliau! ◊ no ti sutzedat prus de lassai acotoliai s'arrobba! ◊ nd'apu leau is cuscineras a dhas samunari ca furint totu acotoriadas ◊ eh, ndi ses torrau de sa marina totu acotoriau! ◊ is peixedhus de s'angioni, lassaus a tropu in s'àcua budhendi, si acotóliant e su pilu no ndi essit bèni Etymon srd. Translations French bronzer English to tan Spanish broncear, curtir Italian abbronzare German bräunen

conciài , vrb: contzare Definition trebballare is pedhes, is còrgios po ndhe serbire a fàere a trastos / contzare a unu che pedhe de batu = pilisare, cariare bene, trummentai Sentences e si li resessiat de la tènnere sa piluchedha lu contzàt che nènnere ◊ cussos ti bóltulant dae fundhu a susu e ti contzant che pedhe de batu! Etymon itl. Translations French tanner English to tan Spanish curtir Italian conciare German gerben.