Ditzionàriu in línia
de sa limba e de sa cultura sarda

arràtu , agt: ratu Definition nau de su logu, chi est in calada meda Synonyms e antonyms iscamedhosu, isderrumbau, percossosu, ràbidu, tremenósu | ctr. paris, sétidu Sentences est istétia una fatiga a si ndi bènniri a su serragu de sa costera arrata, logu de si apiculai a us'e crabas Etymon ltn. rap(i)dus Translations French escarpé English steep Spanish escarpado Italian scoscéso, érto German steil.

iscamedhósu , agt Definition nau de logu, chi est totu iscamedhos, dificurtosu Synonyms e antonyms abriu, arratu Sentences sa vida est una caminera iscamedhosa: cantu trambucat, sa zente! ◊ fàghemi lughe tue in custa badhe profundha iscamedhosa! ◊ andho lestru pro cantu mi permitit sa caminera iscamedhosa Etymon srd. Translations French escarpé English craggy, steep Spanish escarpado Italian dirupato German abschüssig.

iscamédhu , nm Definition tretu inue, mescamente in camminos o àteros logos de passare, su logu càmbiat a s'ingrundha faendho a iscalina (in calada o pesada): si narat fintzes de logu malu, de dificurtade Synonyms e antonyms iscaledhu, iscalone 1, ispéntimu, ispérruma, scabiossu Sentences arranzendhe caminos che bogant sos iscamedhos pro colare menzus ◊ s'achetu de ratza sarda pighendhe in iscamedhos de su monte puntat sas orijas (A.Spano)◊ si caminas a s'iscuru, mira pro calchi iscamedhu! 2. bi ndhe at de iscamedhos in sa vida!… Etymon srd. Translations French escarpement English steep fall Spanish escarpa, escarpadura Italian scoscendiménto, gradino nel sentièro, nella strada German Absturz, Bergrutsch.

iscolladólzu, iscolladórgiu, iscolladórju, iscolladórzu , nm Definition logu, mescamente po passare, malu de si iscrebigare, de si segare sa mola de su tzugu, sugetu a orrúere cun facilidade Synonyms e antonyms irmoladórgiu, ischerbicadorju, rutorzu, trambucadorzu, trèglia / cdh. troncacodhu, ttrs. iscudhadógiu Sentences ite isbambarriare de fungudos iscolladorzos in s'ortu meu!…◊ no faghet a bi colare, cue: est un'iscolladorzu! ◊ custas carrelas sunt totu iscolladorzos Etymon srd. Translations French escarpement, casse-cou English steep slope, dangerous place Spanish lugar escarpado, vericuetos Italian luògo scoscéso, rompicòllo German Absturz, gefährlicher Ort.

isderrumbàu , agt Synonyms e antonyms arratu, irrúpidu, percossosu Sentences custus montis funt isderrumbaus Translations French escarpé English steep Spanish escarpado Italian scoscéso German abschüssig.

isperrumàdu , pps, agt Definition de isperrumare; chi est totu andhau male, malegontzu, coment'e betau in s'ispérrumu, nau fintzes de cosa Synonyms e antonyms ispérdidu / cadrudhu, scarrabeciau 2. est unu tungu isperrumadu totu pedra ◊ bi at pagas domos rutas, isperrumadas dae unu crastu chi ndh'est faladu rodhulendhe dae sa costera 3. est unu béciu isperrumau Translations French escarpé English hurled down, steep Spanish escarpado Italian dirupato German abschüssig.

isteremàdu , pps, agt, nm: istremadu 1 Definition de isteremare; nau de su logu, chi est trotu, a tèrema, in calada meda, in costa; logu malu Synonyms e antonyms istremenadu / arratu, ràbidu / raza, riartzu, trèmena, trempa 2. che istaiat pastorighendhe in sos palinzos isteremados de su monte ◊ cussu fiat unu logu ferosu e istremadu Translations French éboulé, raide English steep, collapsed Spanish desmoronado, escarpado Italian franato, rìpido German abgerutscht, steil.

percossósu , agt Definition nau de logu, chi est in calada meda, perigulosu de orrúere po dhue passare Synonyms e antonyms arratu, iscamedhosu, isderrumbau, ràbidu | ctr. paris, sétidu Etymon srd. Translations French escarpé English steep Spanish escarpado Italian scoscéso German abschüssig, steil.

ràbidu , agt: ràpidu, rípidu Definition nau de logu o de cosa po sa posidura, chi est in calada meda a una bandha Synonyms e antonyms arratu, fichidu, isteremadu | ctr. paris, sétidu Idioms csn: una roca ràpida = una roca ficada, istrantaxa; trempa r. = costa de monte in betada meda, azummai ritza Sentences bi aiat zente arestada peri sos montes piús ràbidos e pedrosos ◊ unu crastu ndh'est faladu rodhulendhe in sa ràbida costera ◊ custos surcos sunt ràbidos e abba no ndhe lis abbarrat Translations French raide English steep Spanish escarpado, empinado Italian rìpido German steil.

trèglia , nf Definition logu malu, trotu meda Synonyms e antonyms iscafada, ischerbicadorju, iscolladorju, scabiossu Scientific Terminology slg Translations French lieu escarpé English steep place Spanish pendiente, escarpa Italian luògo scoscéso German Absturz.