cariaméntu , nm Definition
su pigare a càriu, su cariare (sa pasta, un'arremu de sa carena)
Synonyms e antonyms
cariadolza,
carionzu,
ciueximentu,
suetura
/
aprupudhamentu
Etymon
srd.
Translations
French
pétrissage,
écangage
English
cracking,
massage
Spanish
amasadura,
amasado
Italian
gramolatura,
massàggio
German
Kneten.
cariàre , vrb Definition
suíghere, trebballare a istrecadura sa farra impastada, sighendho cun fortza fintzes a candho sa pasta essit bella lisa e de totunu andhare; frigare, faendho pagu o meda fortza, cun sa pranta de is manos o cun sa matza de su pódhighe un'arremu o unu tretu de carena addoloriu, bogau, atrotigau o àteru (ma fintzes po gustu, a allisadura, a istringidura); foedhandho de cosas díligas, tocare a tropu, pistare (ma si narat fintzes cariare sa pedhe conciada)
Synonyms e antonyms
ciuexi,
iscarasciare 1,
soíghere
/
apalpedhare,
aplopodhare,
cariedhare,
pistae,
surrai
Sentences
passabat notes intregas inturtandhe, cariandhe e tendhendhe
2.
penso no as a chèrrere cariadu pro sos isfortzos tuos! ◊ ndh'est rutu dae su carru e como lu sunt cariendhe pro che li torrare unu pè bogadu
3.
càriat subra de palas su bàrriu pesosu…◊ sa zente fit totu cariendhe miséria, cussos annos de annada mala ◊ e s'iscoberint mudandha e camija, cària cària e tòcami toca! ◊ si ti cheres cariadu beni, za che tenzo unu bellu fuste!…◊ no ti càries sos ogros ca ti faghet peus a ratinzu: pònedi collíriu!
Etymon
srd.
Translations
French
pétrir
English
to knead,
to massage
Spanish
amasar,
masajear
Italian
gramolare la pasta,
massaggiare
German
kneten.
cariónzu , nm Definition
su cariare, su suíghere, su ciuèxiri; su própriu movimentu fatu po frigare cun is manos unu tretu de sa carena malàida
Synonyms e antonyms
cariadura,
cariamentu,
càriu,
iscarionzu,
soigonzu,
suetura
/
apodhicamentu
Sentences
bi ndhe cheret de carionzu pro fàghere unu cartu de trigu a pane de fresa, in duas solas!…
Etymon
srd.
Translations
French
pétrissage
English
rippling,
massage
Spanish
amasado,
amasadura,
masaje
Italian
gramolatura,
massaggiatura
German
Kneten,
Massage.
càriu , nm Definition
su cariare / zúghere o leare a c. una cosa (pasta, nérbiu, orrobba samunandho)
Synonyms e antonyms
cariadura,
carionzu
Etymon
srd.
Translations
French
pétrissage
English
massage
Spanish
masaje
Italian
massàggio
German
Massage.
fricatziòne , nf: frigassione,
frigassioni,
frigatzioni Definition
su frigare calecuna cosa prus che àteru a un’arremu, in sa carena / fricatzione de ischina (in suspu) = corpos, fae a rampu, surra
Synonyms e antonyms
cariada,
cariadura
Sentences
in sa carre lenta bi cheret una frigassione de ozuermanu tébiu, timanza e giara de ou
2.
preparàdebbos sas palas a sas frigassiones de s'ozastru!
Translations
French
friction
English
massage
Spanish
fricción
Italian
frizióne
German
Einreibung,
Friktion.