Ditzionàriu in línia
de sa limba e de sa cultura sarda

àghimu , nm: àmiche, àmighe, àmigu Definition su gancitu de su fusu de filare; s'amu po piscare Synonyms e antonyms ampile, amu, gamu, gantzitu Scientific Terminology ans Etymon ltn. hamicus Translations French hameçon English hook (fish) Spanish anzuelo Italian amo German Angelhaken, Fischangel.

ampíle , nm: arpile Definition genia de unchinu, de gànciu Synonyms e antonyms àncara / àmiche, càncara 1, grafale, rúnchinu 1 Translations French gond English hook Spanish arpón Italian arpióne German Haken.

apicadòlza, apicadólzu, apicadórgiu , nf, nm: apicadorzu, apicadroxu Definition obbilu o palu po apicare cosa, css. cosa inue si dhue podet apicare (es. pértiga) Synonyms e antonyms impicadórgiu, obbibi, rocu Sentences àghina, mela e pira apo in s'apicadolza… Etymon srd. Translations French crochet, piton English hook Spanish percha, colgadero Italian appiccatóio German Haken.

assabédhu , nm Definition gancitu po cannacas, cadenas, asas, fintzes po limbatzu de is sonàgias Synonyms e antonyms gantzitu Etymon srd. Translations French petite agrafe English small hook Spanish ganchete, corchete Italian gancétto German kleiner Haken.

cancarròne, cancarròni , nm Definition aina fata cun sa punta atrotigada (a manera de arresurtare un'àngulu prus istrintu de 90 grados); gànciu po aconciare su fogu Synonyms e antonyms ancarone, ancrúgiu, cancaritu, gànciu, unchinu 2. s'apu a biri a bacedhus, fatus a cancarroni morendu me in sa bia! Scientific Terminology ans Etymon srd. Translations French croc English hook Spanish gancho, garfio Italian rampino German Haken.

carabàtu , nm: caravatu, caravatzu Definition ferru acancarronau Synonyms e antonyms amu, cancaritu, cancarroni, gànciu, unchinu Scientific Terminology ans Etymon spn. garabato Translations French crochet English hook Spanish garabato Italian gàncio, fèrro adunco German Haken.

cròco , nm: crocu Definition puncione o crau po acapiare is barcas apare; genia de unchinu o cancarrone intrau in màniga po piscare arritzones; genia de gànciu po mantènnere o assegurare una genna de no si ndhe apèrrere, fatu a bisura de triàngulu Synonyms e antonyms àncara, badhadori, càncara 1, grafale, grifone Translations French crochet, gond, harpon English hook Spanish gancho, arpón Italian gàncio, arpióne German Haken.

gàmu , nm Definition genia de cancarrone o gànciu pitichedhu po piscare fatu a manera de intrare in buca de su pische ma chi no ndhe potzat essire / parai is gamus = betare sos amos; erba de gamu = Astragalus hamosus (faet sa tega chi paret unu gànciu, acancarronada) Synonyms e antonyms àghimu, amu*, gànciu Sentences seu essiu a chitzi cun is istrepus po sa pisca: canna, lentza, prumu, gamus e sa tremulígia frisca ◊ cancuna borta, o mari, a su piscadori dhi fais perdi pisci, arretza e gamu 2. passamu su noti piegau che gamu, acarraxau cun d-una burrixedha Scientific Terminology ans Translations French hameçon English hook (fish) Spanish anzuelo Italian amo German Angelhaken.

gancítu , nm: gantzitu Definition min. de gànciu, gànciu piticu e fintzes un'aina de carafatare, po ndhe bogare s'istupa bècia de is barcas Synonyms e antonyms àghimu, assabedhu, gancixedhu Translations French gaffe (mar.) English small hook Spanish corchete, descalcador Italian gancetto German kleiner Haken, Häkchen.

gànciu , nm, agt: aggànciu, cànciu 1, gantzu Definition orrugu de cosa (mescamente de ferru) fatu cun punta a unchinu, acancarronau a una parte a manera de intrare in calecuna lóriga, de arrèschere o mantènnere una cosa (es. is gennas): su gànciu de unu bestimentu podet èssere mascu o fémina (duas partes chi s’intrant apare); ferru o àteru fatu a cancarrone po apicare cosa; nau de unu, ómine chi bolet fémina (ma no tanti sériu, in crica de aprofitare); su pl. a logos est una genia de tapeto cun disegnu totu a gàncios / min. gancixedhu, gantzitu / genias de gànciu: de apicai, de gisterra, de sa porta, de su frenu, de àncora, de giminera Synonyms e antonyms amu, cancaritu, cancarroni, carabatu, unchinu Idioms csn: fai a gànciu = indortigare a gantzu, unchinare; ghetai su gànciu = furare; o segat, o fait gantzus = depet andhare o a bonas o a malas, comente andhat andhat; corra gància = corramenta unchinada a gantzu; gantzu marinu = cussu de is navis, (in cobertantza, nau de ccn.) susuncu spaciau; gànciu de tragu = gantzu ue s'intrat cosa de leare a trazu, a tira (fintzas in màchinas e càmios); èssere a unu gantzu de su fritu = atitirighendi de su frius Sentences tzocat sa gianna e nudha: tandho che catzat su gantzu e intrat a sa domo ◊ mi ant arrogau su gànciu de tragu, in sa màchina mia 2. a unu gantzu sas manos o, sinono, a trudha: nachi no furades nudha tratendhe a nois che macos! ◊ tra fàmine e fritu, allorigadu a unu gantzitu at a mòrrere che sórighe in sa tana Surnames and Proverbs smb: Ganciu, Ganzittu, Ganzu Translations French crochet, croc, harpon, grappin English hook, harpoon Spanish gancho, arpón Italian gàncio, arpióne, rampino German Haken.

ingaitzàre , vrb Definition aferrare, pigare cun fortza, arrèschere in calecuna cosa Synonyms e antonyms aferrai, aggafai, agganciai, aggarrai, leai / arrancare, arrèschere, ingatzinai Sentences tiu Barore aiat ingaitzadu sa dente cun sa tenatza ◊ sos corros a su chelvu si che li sunt ingaitzados in sos ratos bàscios de sas àlvures Translations French saisir, s'accrocher English to hook Spanish enganchar Italian agganciare German zuhaken.

portamantédhu, portamantèlla , nm, nf Definition genia de trastu prantau o postu in su muru, a gàncios ue faet a dhue apicare bestimentu, o fintzes de àtera genia po apicare bestimentu in armàdiu Synonyms e antonyms apicorrobba Etymon itl. portamantello Translations French portemanteau English clothes hook Spanish perchero Italian attaccapanni German Kleiderhaken, Kleiderständer.

pudagiòla, pudagiólu , nf, nm: pudajola, pudajolu, pudijola, putajola Definition aina pitica, a bisura de càvana, de pigare a una manu, a màniga curtza, nada deosi ca faet a pudare / p. cun sa istrazona = chi portat sa chighirista in su tolu Synonyms e antonyms fudatza, pruàcia, pudatone, pudatzola / ttrs. pudajora Sentences est intradu a su giardinu cun sa pudajola a ndhe segare su rú Scientific Terminology ans Etymon srd. Translations French émondoir English prining hook Spanish podadera, podón Italian potatóio German Hippe.

unchinàre , vrb: aunchinare Definition atrotigare, fàere a gànciu, a cancarrone, nau de gente puru Synonyms e antonyms acancarronae, ancujare, unchinedhare / atzumborai, ingobbedhare Sentences cun sos annos s'est unchinadu Etymon srd. Translations French recourber en croc English to bend like a hook Spanish encorvar Italian piegare ad uncino German hakenförmig krümmen.

unchínu, únchinu , nm, agt: uncinu, untzinu, úntzinu Definition css. cosa fata a cancarrone, cun sa punta atrotigada a una parte, a gànciu, a manera de arrèschere pigandho o tirandho cosa, es. pértiga longa po abbasciare cambos de una mata ingollendho su frutu segada in su tretu créschiu a frochidha e lassandho unu de is duos cambos curtzu; css. cosa atrotigada o incrubada / devotu a nostra segnora de s'u. = (nau de ccn.) est unu furuncu, ungrudu, acostumat a furai Synonyms e antonyms amu, àncara, gànciu / acancarronau, ónchinu, unchinadu | ctr. daretu, ténneru Sentences istaiant dae s'arvorinu fintzas a s'úrtimu filu de luche chin s'ischina a únchinu, messanne ◊ pro ndhe abbassiare cussu rampu bi cheret un'unchinu ◊ s'ispina de s'abe selvidora est fata a únchinu ◊ como a sa betzesa, cussa fémina est ancujada che unchinu 2. zughet su nasu únchinu Etymon ltn. uncinus Translations French croc English hook Spanish garfio Italian uncino German Haken.