chíltzina , nf Definition su che ndhe segare un'orrugu, de calecuna cosa, incurtzadura Synonyms e antonyms irmíngua, mímina, sméngua Sentences no mi fetas sa chíltzina: ischia chi fint batoschentos e como mi naras chi sunt treghentos! Etymon srd. Translations French déchet, diminution, coupe English decrease Spanish corte Italian diminuzióne, tàglio German Verkürzung, Schnitt.

diminuiméntu , nm Definition su diminuire, su miminare Synonyms e antonyms chíltzina, impaghimentu, méngua, mímina, sméngua | ctr. créschida Etymon srd. Translations French diminution, baisse English decrease Spanish disminución Italian diminuzióne German Verminderung.

ilminorigàre , vrb: imminoricare, imminorigare, irminoriare, irminoricare, irminorigare, isminorigare Definition fàere una cosa prus pitica, prus minore Synonyms e antonyms amenguai, apiciulinai, impicochire, impiticai, ispiticare, miminare, mindigai, minorai, scimai, torrae | ctr. ammanniae, crèschere, immannitare Sentences die cun die s'imminórigat su tempus ◊ sos chírcios de su furredhu de ghisa faghent andhendhe e ilminorighèndhesi in mesu Etymon srd. Translations French rapetisser English to decrease Spanish achicar Italian rimpicciolire German verkleinern.

menguài , vrb: amenguai, menguare, menguari, minguai, minguare Definition fàere o torrare a prus pagu, fàere torrare sa cantidade o sa mannària de una cosa Synonyms e antonyms abasciai, arreduire, atzicare 1, emenguare, ilminorigare, immeltzare, immenguare, impagai, impicochire, irminèscere, menguanare, miminare, scimai, torrae | ctr. crèschere Sentences mi est menguendhe dies de vida ◊ issa est sa chi mi ménguat su briu ◊ bidinne ses, sas provistas sunt menguanne! ◊ sas arbeghes sunt menguanne su late ◊ sa zente abbellu abbellu fit menguandhe e fintzas su lamentu de sa biuda fit prus pasau Etymon spn. Translations French décroître, diminuer English to decrease, to drop Spanish menguar Italian decréscere, diminuire, digradare German vermindern, senken, kürzen.

mímina , nf: mínima Definition su miminare, su torrare o portare una cosa a prus pagu, a prus pitica / nau de ccn., tènnere m. = àere bregúngia credendhosi prus pagu o peus de s'àteru (itl. complèsso di inferiorità) Synonyms e antonyms impiticamentu, irmíngua, irminorigamentu, ispachitzada, méngua, menguonzu, sméngua | ctr. acreschimónia, créschida Sentences est in mínimas s'amore chi usaimis una borta! ◊ in su suircu tessindhe gorfos li cherent fatas sas míminas ◊ sos binos budhindhe faghent mímina Etymon srd. Translations French réduction, diminution English reduction, decrease Spanish disminución, mengua, merma Italian riduzióne, calo German Verminderung, Abnahme, Rückgang, Verkleinerung, Verkürzung.

miminàre , vrb: minimare Definition bènnere mancu, torrare a prus pagu, arresurtare prus pagu, prus piticu, torrare agoa de mannària o de cantidade, fàere is míminas Synonyms e antonyms abasciai, amenguai, ilminorigare, immeltzare, immenguare, impagonzare, irminguie, mindigai, minorai, torrae | ctr. ammanniae, crèschere Sentences cantant in sas chentinas miminendhe carradas e mesinas! ◊ imbetzendhe sos annos creschent, ma vertude e briu solint miminare ◊ custa Banca no creschet e antzis la cherent fàghere miminare ◊ creschet su lussu e míminat s'afetu ◊ cun custas sicagnas, sas funtanas sunt miminendhe ◊ sas dies bellas sunis minimendhe (A.Marceddu) Etymon ltn. minimare Translations French décroître, rétrécir, réduire English to decrease, to reduce, to restrict Spanish disminuir, menguar, mermar Italian decréscere, restrìngere, ridurre German vermindern, senken, kürzen, verkleinern.

sméngua , nf Definition su torrare a prus pagu, su fàere prus curtzu, bogare Synonyms e antonyms chíltzina, méngua*, mímina | ctr. aumentu, créschida Translations French décroissance English decrease Spanish mengua Italian decrescènza German Verminderung.

smenguaméntu , nm Definition su torrare a prus pagu Synonyms e antonyms chíltzina, irmenguadura, méngua, mímina, sméngua | ctr. creschimónia, creschina Etymon srd. Translations French décroissance, diminution English decrease Spanish mengua Italian decresciménto German Abnahme.

«« Search again