Ditzionàriu in línia
de sa limba e de sa cultura sarda

bombonièra , nf: bumbugnera Definition istugighedhu bellu a pònnere cufeturas de giare a is invitaos de un'isposóngiu, de unu batiare, o àteru Translations French bonbonnière English box of sweets Spanish bombonera Italian bombonièra German Bonbonschachtel.

búsciu , nm: bussu Definition genia de linna tostada meda chi faet a mata no tanti manna Synonyms e antonyms búsciulu Scientific Terminology mt, Buxus sempervirens Etymon ltn. buxus Translations French buis English box (wood) Spanish boj común Italian bòsso German Buchsbaum, Buchs.

carapignèra , nf Definition sa màchina po fàere sa carapigna Etymon spn. garapiñera Translations French sorbetière English ice-cream box Spanish sorbetera Italian sorbettièra German Eismaschine.

cascèta , nf: casseta, cascita Definition genia de istrégiu de linna, prus che àteru fatu a forma de parallelepípedu: podet èssere pitichedhedha puru Sentences apenas chi che leat su lentore leade cuinzolos e cascetas chi li atacamus, a binnennare ◊ labai aràngiu bellu a deximila sa cascita! Surnames and Proverbs smb: Cascetta, Cassetta, Cassita, Cassitta Scientific Terminology stz Translations French caisse English small box Spanish cajita Italian cassétta, cassettina German Kästchen.

càscia , nf: cassa 2, càssia Definition trastu mannu, prus che àteru de linna de castàngia, cun su covecu, po chistire cosa (trastos, orrobba, o sa provista de su pane), totu trebballau a figuras a intacadura, a istuvidura in sa parte de ananti, e cun bàtoro peis po dhu mantènnere artzau de terra; baule po pònnere su mortu; is ossos de sa carena tra palas e petorras, ue dhue funt is prumones e su coro, ma fintzes totuganta sa parte de su matzàmene; letu de un'erriu; css. cosa fata a bisura de istúgiu o istrégiu po pònnere o fàere istare calecuna cosa amparada, prus segura; fintzes una parte de su telàrgiu, de su carru (po ingòllere terra o àteru deasi); in sa tega de is laores a tiradura, su tretighedhu coment'e buidu inue ingendrat e ammànniat su granu Synonyms e antonyms alca, baule / tuvu Idioms csn: càscia de su petus = petorras, itl. torace; èssere sanu de càssia = no àere pecu a sos mermos chi dissipant su mànigu, de s'istògomo a totu s'istentina; abba o abbadura a càssia = itl. idrotorace; càscia o lacu de riu = s'iscaravossu ue colat s'abba de unu riu, itl. àlveo; càscia de relógiu = zenia de istuzighedhu ue bi est su machinàriu de su rellozu; càssia de carru = tumbarella, zenia de càssia, abberta deunudotu subra, pro carrare rena, terra e gai; càscia de iscupeta, de fusile = sa parte ue s'intrant sas cartutzas Sentences in sa càscia bi at cannas de fresi, lentolos e costúmenes ◊ sa càssia pro su pane fit in coghina, pro sos trastes in s'istàntzia de letu ◊ bella custa càscia fiorada!◊ ti ant afidau una càscia manna chi innòi tui no dha scis oberri!(Moi)◊ preniaus sa càscia de figu e de figumoro sicada 2. in sa butega de su mastruàscia s'intendhent pagos colpos de martedhu: unu bratzolu pro su nignighedhu, pro te, truncu immóbbile, una càscia 3. tantu so apenadu chi in sa càscia su coro m'isbolatzat ◊ su coro tzochedhat in sa càscia ◊ est sanu de càscia e mànigat de totu 4. su riu est essidu dai sa càscia Scientific Terminology mbl Etymon ltn. capsa Translations French caisse, coffre English box Spanish caja Italian cassa German Kiste.

casèdha, casèlla , nf Definition min. de casa / donniunu de is cuadraos inue s'iscrient is números faendho càrculos; tretighedhu sinnalau de una línia serrada a cuadratu, a retàngulu (a bortas mannu puru, in terra, po giogare); fintzes una genia de bartza manna meda po fàere sale, in is salinas / casedha de abes = casella, búngiu de abes; casella postale = zenia de calassiedhu in sos ufítzios postales ue ponent sa posta de unu, a su postu de bi che la zúghere a domo Sentences s'àcua de su mari dha portant aintru de is casellas po asciutai e fai su sali Surnames and Proverbs smb: Casedda Translations French case English post box, cell Spanish casilla, apartado postal Italian casèlla German Fach, Postfach.

coberigàscia , nm Definition telu téssiu po dhu pònnere a usu de tiàgia in pitzu de is càscias Synonyms e antonyms coberibbanca Etymon srd. Translations French nappe pour coffre English box cover Spanish tela para cubrir las arcas Italian copricassa German Truhedecke.

cufetèra , nf: cunfetera, cunfitera Definition istúgiu a pònnere cufetura Translations French drageoir English sweetmeat box Spanish confitero (m) Italian confettièra German Bonbonniere.

galíta , nf: carita, garita Definition genia de domighedha ue istat firmu su sordau a guàrdia Synonyms e antonyms caudeba Translations French guérite English sentry box Spanish garita Italian casòtto della sentinèlla German Schilderhaus.

incasciàe, incasciài , vrb: incasciare, incassare, incassiare Definition pònnere in sa càscia; intrare apare duas cosas o partes fatas adatas po torrare giustas s'una cun s'àtera; arresurtare in mesu de duas cosas e abbarrare cassau, arréschiu; fichire ideas in conca Synonyms e antonyms apigiai, crosai, imbasare, incastrai, incriedhai / inciassare / cravare, fichire, incalchetare, tzacare Idioms csn: i. sa porta = imbarare sa zanna, serrare; incasciasí una cosa in conca = incaschetare Sentences cussu at traitu unu bandhidu pro s'incasciare sa tàglia 3. est una bia incasciada in mesu de duus murus e matas de arroli ◊ su tirighinu fit incasciadu dae duas grundhas artas de granitu 4. nche li fit incassatu in conca su cuntipitzu d'essire a bannitare e nessune fit reséssitu a l'irvortare Etymon ctl., spn. encaixar Translations French encaisser, encastrer English to box, to embed Spanish encajar, engarzar Italian incassare, incastrare, incastonare German in Kisten verpacken, einschieben, einfassen.

iscantulàda , nf: scantulada Definition cropu chi si giaet a cara, cun sa manu aperta Synonyms e antonyms bussinada, cabbessu, ciafu, iscantargiara, iscavanada, istuturada, istuturrone, mantuada, sporsugada Sentences una guàrdia li at iscutu un'iscantulada Etymon srd. Translations French gifle English box on the ear Spanish bofetada Italian schiaffo German Ohrfeige.

iscàtula , nf, nm: iscàtulu, scàtua Definition genia de cascita, pruschetotu de cartone (min. -edha ma, segundhu de ite, iscàtula etotu, es. de luminos, de meighina) Idioms csn: zirare, furriare s'i. (in suspu) = ammachiaisí, iscatulaisí; pàrrere essidu dae s'iscàtulu = èssere totu bene postu, bestidu bene Sentences bae e comporami un'iscàtula de allumínios! ◊ iscàtulas de cartoni nd'adiat unu muntoni, totu iscàtulas de bruvura 2. zirendhe s'iscàtula ses, chi faghes custos machines?!… Etymon itl. Translations French boîte English box Spanish caja Italian scàtola German Schachtel.

istrampàda 1 , nf: istrempada, istrempiada 1, istrimpiada Definition ciafu, cropu giau a cara, a trempas, a manu isprata Synonyms e antonyms bofetada, bussinada, cabbessu, ibbatulada, iscantargiara, iscavanada, istuturrone Etymon srd. Translations French gifle English backhander, box on the ear Spanish bofetada Italian ceffóne, manrovèscio German Ohrfeige.

paltèra , nf: pastera Definition istrégiu, prus che àteru a bisura de cascita, a pònnere e mescamente a prantare o semenare frores: a logos est fintzes una filera de erbas de ortu prantadas, argiola de prantàgia puru Synonyms e antonyms testu, tula Sentences sunt fiores de campu o de pastera? ◊ e pro chie preparo colóvuros e lizos, sa rosa vellutada in sa pastera? (A.Spano)◊ ite bellu fiore chi apo piantadu intro de una pastera! ◊ cherias tenta contu che fiore in paltera Etymon ctl. pastera Translations French jardinière, caisse à fleurs English flower box Spanish florero Italian vaschétta per fióri, fiorièra German Blumenkasten.