Ditzionàriu in línia
de sa limba e de sa cultura sarda

chígna , nf: chíngia, chingra, chinxa, cíngara, cingra, cringa Definition genia de chintórgiu chi si ponet po firmare sa sedha a s'animale passandhosidhu in bentre apresu a is cambas de ananti (petorru): dh'impreant ferrandho puru (ma prus manna e acanta a is cambas de asegus) po mantènnere su pegus in artu de terra chi no potzat fàere fortza cun is peis; est fintzes su singiale chi lassat in sa carre un'acapióngiu istrintu, unu cropu giau cun cosa longa (chintórgiu, fune, e àteru) Synonyms e antonyms callitu, grinca, istranga, pretali Idioms csn: apretare un'animale a chíngia = afíere tropu sa chíngia; apretare a ccn. a chinxa = segai sa passiéntzia a ccn., apurire; sècere, no sècere una cosa in cingra a ccn. = pràghere, no pràghere Sentences sa chigna fit larga e giughiat una tíbbia chi mancu chintorza! ◊ at fatu una chigna de pedhe ◊ issedhendhe ponent sos bàtiles, su sedhone e sa cringa ◊ a s'àinu li at fatu una pitigada sa cringa in su petorru ◊ in màchina cheret posta sa cringa pro seguresa ◊ acapiadhu cun sa cingra!◊ teniat s'arretranga, sa cíngara e pretale e pigàt a froncile s'animale (C.Arangino) 2. sa fune imboligada in sa manu, tostendhe, mi at fatu sa cringa 3. chíngias biancas imbóligant s'aera Etymon ltn. cing(u)la Translations French ceinture English belt Spanish cinturón, correa Italian cìnghia, cintura German Gürtel

chinghédhu , nm: cignedhu, cingedhu, cinghedhu, singedhu Definition tira de cosa, mescamente de pedhe, cun sa tíbbia, o fintzes codriola de acapiare in chintzu, chintórgiu; oru de telu de lana Synonyms e antonyms chintòglia, chíntula, lorita, tzinta / tzíngulu Sentences in su chinghedhu portaiat s'ortigione cun sa màniga trabballada (R.Sardella)◊ mannoi iscudiat a cinghedhu ◊ tzia mi at curtu a chinghedhu ◊ acabbadha, citidi e bufa ca ci no seo piganno su cignedhu! Translations French lacet, cordon, ruban English small belt Spanish oruga Italian cìntolo, cìngolo German Band, Raupenband.

chintòglia, chintólgiu, chintòlza , nf, nm: chintòrgia, chintórgiu, chintorja, chintorju, chintorza, chintorzu, cintòrgia Definition tira de cosa, mescamente de pedhe, cun sa tíbbia, de pònnere in chintzu po poderare unu bestimentu / chintorza de santu Giuanne = frore de santu Giuanne, alluevogu, bruschiadina; pantalones a chintorza = cun sa tzinta Synonyms e antonyms astrintorza, chíntula, lorita, tríncia, tzinta, tzintorja Sentences s'arva li arriviat a sa chintorza ◊ iat pigau su chintórgiu e aiat giau una surra a su fígiu ◊ su piciochedhu camminat poderendu unu chintórgiu in is manus ◊ candho at papau si at fintzes illagrau su chintórgiu ◊ custa est una cintòrgia de pedhe Etymon ltn. cinctorium Translations French ceinture English belt Spanish cinturón Italian cìntola, cintura German Gürtel.

chíntzu 1 , nm: cintu, cintzu, ginsu, scinsu, tzintu Definition tira de cosa, mescamente de pedhe, cun sa tíbbia, de acapiare in chintzu po poderare bestimentu, e fintzes su tretu de sa carena in mesania e parte de su bestimentu in custu tretu Synonyms e antonyms chintòglia, gintone, singedhu, tzinta / chíntula Surnames and Proverbs smb: Cintu Etymon ltn. cinctu(m) Translations French ceinture English belt Spanish cintura Italian cinto German Gürtel.

framucódhu , avb Definition manera de pònnere mescamente sa fune, chistia a lobos mannos, faendhodha passare in su codhu de una parte e asuta de su subrecu de s'àtera, o fintzes solu intrada o betada in codhos Synonyms e antonyms armigodhu*, murucodhu Sentences su pitzinnu zuchet sa bússia a framucodhu (G.Piga)◊ est rutu chin sa soca a framucodhu e s'istrale in manos ◊ est chin sa tzancheta galu a framucodhu Translations French bandoulière English shoulder belt Spanish bandolera Italian tracòlla German umgehängt.

laciàda , nf: lantzada, latada, latzada Definition tira larga de orrobba po imbodhigare su pipiedhu in chintzu Synonyms e antonyms fasca Sentences tocat a preparai cambuscedhus, pannitzus e latzadas po candu nascit su pipiu ◊ latzadas po is pipius no si ndi usat prus ◊ tèngiu ancora is pannitzus e is latzadas de candu iu tentu a tia ◊ sa latzada imbodhigàt a istrintu su pipiu dea chintzu fines a is benugos 2. e ita chi dhi ghetu sa lantzada a su gúturu!… Etymon srd. Translations French langes English swaddling-bands, belt Spanish pañales Italian fasce, cintura German Windeln.

loríta , nf Definition tira de cosa, mescamente de pedhe, cun sa tzíbbia, de pònnere in chintzu Synonyms e antonyms chintòglia, chíntula, tríncia, tzinta Sentences s'est fuiu a lorita in manus, depiat èssi a daor'e brenti ◊ at afasciau is pértias cun sa lorita Etymon srd. Translations French ceinture English belt Spanish cinturón, correa Italian cìntola German Gürtel.

tzínta , nf: chinta Definition tira de cosa, mescamente de pedhe, cun sa tíbbia, de pònnere in chintzu cun pantalones / iscorriada de tzinta = cropu giau cun sa tzinta Synonyms e antonyms chinghedhu, chintòglia, chíntula, lorita, tríncia Translations French ceinture English belt Spanish cinturón Italian cintura German Gürtel.