Ditzionàriu in línia
de sa limba e de sa cultura sarda

insàla , nf, nm: insalu, isciala, iscialu, isciaru, issalu, sciala Definition festa manna ue si brindhat e faet a papare e a bufare meda; si narat fintzes in su sensu de consumare tropu cosa chentza bisóngiu, a isperdítziu Synonyms e antonyms iscialada 1, sarau, scialema / istrubberia Sentences at batidu sos fiores chin ispaju e chena iscialu pispiados de lentore ◊ sos istranzos sighiant a andhare in iscialos, soguzados dae tiu Zuanne cun cudhu "Bufa!" e "Bufa!" ◊ no ses naschidu pro bívere in iscialos e dormidu! ◊ sa fígia at preténdhiu de fàere sa cójua a isciala manna Etymon itl. scialo Translations French fête, banquet English rejoicing, banquet Spanish convite, festín Italian tripùdio, convito German Jübeln, Gastmahl.

iscialài, iscialàre , vrb: issalare, scialai Definition fàere festa manna cun papóngiu, bufóngiu, ispesa e àteru, a meda / i. su tempus = ispassaresila Synonyms e antonyms diveltire, spadatzai / ispeldisciare, istravuciare, sparafiai Sentences medas iscialant in sa pedhe anzena ◊ tanti sorresta tua no si est iscialada ballandho!… 2. tui ti divertis iscialendu Etymon itl. scialare Translations French banqueter English to banquet Spanish banquetear Italian banchettare German an einem Bankett teilnehmen.

pichetàda , nf Definition su pichetai, papada chi si faet mescamente in cumpangia Synonyms e antonyms abbicónia, ciampanella, ispuntinu, murrecada, pichetu 2, pranzete, rebbota, sciaballabata Sentences cussu est prexau candu est in logu de pichetadas ◊ fiat fadendu sa pichetada cun d-una cedha manna de invitaus ◊ feus una pichetada de pisci Etymon srd. Translations French banquet English banquet, snack Spanish banquete Italian spuntino, banchétto German Festessen.

pichetài, pichetàri , vrb Definition fàere sa pichetada, prus che àteru papare a meda, genia de festa, in cumpangia Synonyms e antonyms arrebbotare, sbirrendai, sciaballabatai Sentences tristu chi no podit pichetai, càstiat su pratu e lingit sa frochita ◊ andai a pichetai cun is amigus fut sinnu de libbertadi po is giòvunus Etymon spn. picotear Translations French banqueter English to banquet Spanish banquetear Italian banchettare German an einem Bankett teilnehmen, schmausen.

rebbòta , nf, nm: arrebbota, rimbota Definition papada manna, de cosa meda Synonyms e antonyms abbicónia, birrandada, ciampanella, ispuntinu, pichetada, pranzete / ttrs. ribbota Sentences ammentat curreras, catziadas, rebbotas de tusorzos ◊ balente no est chie si leat imbreacheras a sichitura, ma chie annat a una rebbota e biet solu duas tassas de vinu ◊ su mere at créfiu fàere custu rebbotu in domo sua Etymon itl. ribotta Translations French banquet, bombance English banquet, binge, guzzling Spanish comilona Italian banchétto, bisbòccia, gozzovìglia German Schwelgerei.

rebbotàre , vrb: arrebbotare Definition fàere rebbotas, prus che àteru papare a meda, genia de festa, in cumpangia Synonyms e antonyms ispuntinare, pichetai Etymon itl. ribottare Translations French gueuletonner English to banquet, to binge Spanish banquetear Italian banchettare, bisbocciare German schwelgen.

spadàgiu , nm: spadatzu, sparàgiu Definition festa manna in famíglia, su papare de is isposòngios Synonyms e antonyms insala, spadalia Sentences in su spadàgiu m'iat bófiu a costau casi in contu de babbu ◊ s'intendit peri is bias sa batalla, s'arrisu, s'ispàssiu de chini depit andai a is spadatzus (F.Onnis)◊ si est cojada filla mia e fatu eus su sparàgiu in Nuràminis ◊ si cojaus impressi mancai chena sparàgiu Etymon ctl., spn. hospedatge, hospedaje Translations French banquet nuptial English wedding banquet Spanish banquete nupcial Italian banchétto nuziale German Hochzeitsbankett.

spadalía , nf Definition festa (de papare) Synonyms e antonyms insala, pichetada, sciaballabata, spadàgiu Sentences una borta unu rei iat donau incàrrigu a unu de is bastantis suus de cumbidai a una spadalia nodia is sàbius de su logu ◊ festa manna de spadalia, ajó totus a bufai! Translations French banquet English banquet Spanish banquete Italian banchétto German Bankett.

spadatzài , vrb Definition fàere spadatzus, isciala, fàere festa manna cun papares e bufóngiu a meda, mescamente comente si faet po un'isposóngiu Synonyms e antonyms iscialai Sentences s'arangiolu tessit sa tela e est prontu a spadatzai Etymon srd. Translations French banqueter English to banquet Spanish banquetear Italian banchettare German bankettieren.