Ditzionàriu in línia
de sa limba e de sa cultura sarda

altàre, altàri , nm: artare Definition sa mesa sagrada inue su preide ammentat sa morte e passione de su Cristos, naendho sa missa / s'istrada de s'artare = in crésia, su tretu in mesuia; mudadu che un'artare (nadu de logu, aposentu, domo e gai) = cuncordau bèni meda, cun cosas bellas; tiàgia de s'a. = mantili Sentences a s'altari dèu mi acostu cun d-unu grandu atrivimentu ◊ in s'altare si rinnovat su Sacrifíssiu de sa rughe ◊ sos altares sunt mudados a prou pro sa glória de sos santos ◊ fit dolorosu, o frades, su lassare sa mamma betza, s'isposa impedida chi bos giureit s'amore in s'altare (A.Casula) 2. sos élighes, ozastros seculares chi fint de sos pastores sos altares, oe sunt rughes pídigas de pore (V.Becciu) Scientific Terminology prdc Etymon ltn. altare Translations French autel English altar Spanish altar Italian altare German Altar.

altarítu , nm: artaritu Definition min. de altare, artare minore, su chi faent inue si firmat sa crufessone, passandho passandho in is orrugas; logu adatu po arrimare cosa (es. is màrigas) 2. unu cassadori po s'ibasai iat postu in pissu de un'artaritu su sirboni mortu chi portàt a pala Translations French petit autel English small altar Spanish altar menor Italian altarino German kleiner Altar.

catífa , nf Definition su tapeto chi si ponet in s'artare, in crésia Scientific Terminology prdc Etymon ctl. catifa Translations French tapis d'autel English altar carpet Spanish sabanilla de altar (catifa) Italian tappéto dell'altare German Altardecke.

dreghestànu , nm Definition chie, prus che àteru piciochedhu ma fintzes mannu, serbit a su preide naendho sa Missa o a fàere misciones e fainas de crésia Synonyms e antonyms giàcanu, monaghile, monasígliu, sagrestanu* Translations French sacristain English altar boy, sacristan Spanish monaguillo Italian chierichétto, sagrestano German Ministrant, Kirchendiener, Sakristan.

giàcanu , nm: ciàganu, giàganu, giàgaru 2, giàguru, zàcanu Definition chie, pruschetotu piciochedhu ma fintzes mannu, serbit a su preide candho narat sa Missa o po fàere misciones e fainas de crésia Synonyms e antonyms dreghestanu, monaghile, monasígliu, sagrestanu Sentences sa callentura de su predi de Mòguru t'intrit, ca iat iscallau su giàguru a gropas! (A.Garau)◊ príteru e giàcanu azicu acudiant a pònnere ifatu a missas e pèsperos ◊ s'obispu teniat a cumpàngiu unu giòvunu giàganu ◊ su pòberu chi at paga isperiéntzia giàganu est sempre, ma peidru mai Etymon ltn.e diaconus Translations French servant de messe English sexton, altar boy Spanish monaguillo, sacristán Italian chierichétto, sacrista German Ministrant, Meßdiener.