Ditzionàriu in línia
de sa limba e de sa cultura sarda

bentòsa , nf: ventosa Definition genia de istampu chi si faet a is forros, a is fogàgias, po che fàere essire su fumu, a is carradas (ma fintzes una genia de tapighedhu de su frascu chi si ndhe leat po lassare intrare s'ària bufandho); genia de manígiu po cura; aina po tirare sàmbene o àteru Synonyms e antonyms butarolu Idioms csn: betare sas bentosas = pònnere sas tatzas in sa pedhe pro cura; betare sa bentosa (nadu in suspu)= manigare o colliresiche sa cosa a tropu, faisí una bella satzada Sentences iscàmpio a compudare sas bentosas ca paret in cherta de cambiare bentu! 2. dhi ant ghetau una bentosa cun tres piscicantis a unu costau ◊ istat apitzigadu che bentosa finas a li fàghere sa palete! ◊ no fiant serbidas a nudha is mexinas, is bentosas! 3. za bi l'at betada sa bentosa: de una supera de macarrones no bi ndhe at lassadu unu, a sa sola! Etymon spn. Translations French soupirail, ventouse English airhole Spanish respiradero, ventosa Italian sfiatatóio, coppétta German Luftloch, Luftabzug, Schröpfkopf.

istupòne , nm Definition genia de aina a ventosa po istupare tubbos chi, po comente podent serbire, si podent tupare, arribbiri Scientific Terminology ans Translations French ventouse, débouchoir English sink unblocker Spanish desatascador Italian sturalavandini German Ausgußspüler.