Abbreviations Legenda | Symbols Legend

intriscài , vrb: intriscare 1, intriscari, intrischiai, intrischiare Definition illargare de fiancu s'apertura de is dentes de su serracu, de su serrone o de àteras ainas deasi po chi sa segada essat prus larga, po segare méngius / intriscare sas cotzas a una màniga = incracare is cotzas po chi sa ferramenta abbarret bene firma Synonyms e antonyms gitonare Sentences su serroni tocat a dh'intriscari po segari bèni ◊ sa fraci no dh'as intriscada prus Etymon ctl. entrescar, entriscar Translations French contourner une scie English to heddle Spanish triscar Italian allicciare German schränken.

sarràcu , nm: serrache, serracru, serracu Definition aina a lama larga o istrinta, a dentes a una parte, po segare linna, pudare, de pigare a una manu / bogai is dentis a su s. = acutzare su serracu Synonyms e antonyms serrúciu Sentences una dí, mi contàt sa mamma, nanca nc'iat donau sa conca a unu serracu e si fut totu sciguriau! ◊ custu cane mi fit ammustranne cudhas sannas chi pariant unu serracu! Scientific Terminology ans Etymon ctl. xarrac, xerrac Translations French égoïne, scie à main English ripsaw Spanish serrucho Italian segàccio, gattùccio German Fuchsschwanz, Lochsäge.

sarròne, sarròni, sarrónu , nm: serrone, serroni Definition genia de serra manna mancai de metro e mesu, a lama larga meda, a duas mànigas, de pigare a una manu ma in duos po segare o isperrare truncos mannos, linna grussa meda (ma fintzes serra pitica de pigare a solos a una manu po segare cambos e naes pudandho); bobboi chi andhat asuta de terra modhe, trebballada, e si papat s'arraighina modhe de sa cosa prantada de pagu: a logos est fintzes mardona, sórighe mannu de fogna; bobboi chi si papat sa gioga minuda e si che istichit aintru de su corgiolu, greme chi si papat sa linna, àteru greme in colore de castàngia chi podet fàere in su casu; brutore a meda in dossu; in cobertantza, su vítziu de abbetiare pruschetotu candho unu no tenet arrexone Synonyms e antonyms serra / serracu / chibudhalzu, cugumbiraxu, istampasucros, morucibudhu / tzerrone, zannarolu, zànnaru / muga, sordi / tostorrímine Idioms csn: intriscare o gitonare su serrone = illargare sas dentes a manera de li fàghere s'istrada e segare menzus; intrare su serrone a unu = acucai, bènniri a conca s'idea, s'abbétia de fai ccn. cosa Sentences s'arruaxu iscarràfiat che serroni ◊ passada sa bistrale, su serrone: acò totu distruta sa foresta! ◊ s'élighe chi bi fit in su cuile ndhe l'ant segadu a serrone ◊ usaiat sas rimas che serrone: dae cussu ndh'est s'ódiu dipesu! 2. cherent remíntidas sas pumatas ca medas che las at segadas su serrone 4. zughet fintzas su serrone in cambutzos de cantu est brutu, putzidha! 5. lasso a muzere mia emancipare a patu chi no l'intret su serrone de cherrer paltorire a bolt'apare! (L.Ilieschi)◊ fuit dies e dies ammudurradu, a bortas pranghiat, no ischia mancu proite… giughiat che unu serrone in cherbedhos! Surnames and Proverbs smb: Serroni Scientific Terminology ans, crp, gryllotalpa gryllotalpa Etymon srd. Translations French grande scie à deux poignées English big saw, mole cricket Spanish serrón, tronzador Italian segóne German Zugsäge.

seghèto , nm Definition aina a dentes pitichedhedhas adata po segare ferru o àteru materiale tostau Scientific Terminology ans Translations French scie à métaux English hacksaw Spanish sierra para metal Italian seghétto German Metallsäge.

sèrra 1 , nf Definition aina segante a dentes a bisura de serracu, ma cun sa lama larga totu cantepare e poderada istirada in d-unu bastimentu (o telàrgiu) a ue si aferrat a una manu: sa largària chi abbarrat in mesu de is dentes (chi funt a unas a unas intriscadas, pagu pagu incrubadas cale a una bandha cale a s'àtera) si narat istrada / cadhu de s. = cadhete pro pònnere in artu su truncu de bogare a taulones Synonyms e antonyms sega Scientific Terminology ans Etymon ltn. serra Translations French scie English saw Spanish sierra Italian séga German Säge.

serràdu 1 , pps, agt: serrau 1 Definition de serrare 1; chi est segau a serra Translations French scié English sawed Spanish serrado Italian segato German gesägt.

«« Search again