Ditzionàriu in línia
de sa limba e de sa cultura sarda

babbúcia , nf: bubbúcia, babbutza Definition genia de iscarpa; genia de animale de mare Synonyms e antonyms caciola, calòscia, pédula / sélpia Etymon itl. babbuccia Translations French pantoufle, seiche English slipper, little cuttlefish Spanish pantofla, sepia Italian pantòfola, seppiolina German Hausschuh, Tintenfischlein.

caciòla , nf: cartzola, cassola 1, catola, catzoba, catzola, craciola, cratzoba, cratzola, cratzolla Definition cartzamenta, genia de cosíngiu, prus che àteru sabbata chentza carcangile de pònnere in domo comente usant is féminas (podet èssere fintzes de linna), ma a logos fintzes cosíngiu grussu, de orropu; segundhu is animales mannos (es. boes, crabas, cuadhos, porcos), s'unghedha, pígiu grussu de corru chi dhis ammontat is pódhighes (e po cussu a logos est fintzes su semu, pigiolu tostau chi creschet in is feridas sanandho); genia de animale de mare (sepia officinalis); s'orrugu grussu de linna chi, ispintu contra a su cricu de s'orroda, serbit a frenare su carru cun sa mecànica Synonyms e antonyms babbúcia, cantrofa, patita, sabbata, sàndhalu / ugna, unghedha / babbucedha, sélpia / croghedha Idioms csn: catzola ferrada = iscarpa a fundhu bullitadu; sa caciola de sa lanne = cocotu, croghedha, su covecu, chi si ndhe ispítzigat, ue sa landhe est atacada a su rampu; craciola de segada, de guroni = semu, pizu de sàmbene sicu; catola de mola = taulita chi tupat s'abbertura de fundhu de su lacu; sa terra fait a caciola = sa terra a ludu o tropu gàrriga si apítzigat a sas iscarpas; a catolinu = a zisa de catolas, de sabbatas Sentences tocai, lassaimí andai a mi ponni is crapitas, ca cun totu custu carraxu seu ancora a cratzollas! ◊ fut a colare comente potiamus: candho boliamus, peri cassolas nosi faiamus! ◊ sa mama a cratzoledhas, sa filla a capellina! ◊ portant cartzolas in s'istadi e botinus in s'ierru ◊ su pastore fut a cambales e a catzolas ferradas ◊ chie trebballat in campagna bollet catzolas pesantes, de orropu 2. a su porcu che li cherent catzadas sas catolas uscrendhe, candho sunt budhidas 3. iat incarrerau a proi… iat cumintzau a fai cratzoba e nd'iat fatu aici meda!… Surnames and Proverbs smb: Catzola, Cazzola Scientific Terminology bst Etymon ltn. calceola Translations French pantoufle English slipper Spanish babucha, chinela Italian pianèlla, ciabatta German Schlappen.

calòscia , nf Definition una genia de cosíngiu a sa bona, apertu meda Synonyms e antonyms babbúcia, pédula Translations French pantoufle English slipper Spanish pantufla, chinela Italian pantòfola German Hausschuh.

cantròfa , nf Definition una genia de cartzamenta po istare aintru de domo Synonyms e antonyms babbúcia, caciola, pantròfola, pédula, sabbata Translations French pantoufle, mule English slipper Spanish zapatilla, pantufla Italian pantòfola German Pantoffel.

sabbàta , nf: ciabbata, sapata Definition genia de cartzamenta de pagu contu, prus che àteru po istare in domo (ma fintzes catzola prus de imprastu)/ partes de sa sabbata: s'impena, su carcangili, is solas, su taconi, is origas (cun is istampos po intrare sa feta o codriola po dhas acapiare), su bruncaretu, su capígliu (in sa punta a parte de aintru), sa plantella Synonyms e antonyms babbúcia, caciola, patita Idioms csn: s. iscarcangilada = cun su carcanzu cossumidu, manigadu, abbatigadu; sabbatas discansadas = chi su pè bi istat bene; camminai cun sabbatas de plumbu = andharebbei abbellu, in carchi chistione; butega de sabbatas = butega de catolaju Etymon ctl. sabata Translations French pantoufle, savate English slipper Spanish zapatilla, pantufla Italian ciabatta German Pantoffel, Hausschuh.