bànda , nf: bandha 1 Definition chedha de sonadores, donniunu cun s'istrumentu musicale suo, chi sonant impare Translations French musique, fanfare English band Spanish banda Italian banda musicale German Musikkappelle.

launèdhas , nf pl: leonedhas, leunedhas, lionedhas, liunedhas Definition genia de aina antiga meda a tres cannas po sonare a suladura; in cobertantza, genia de idea mala, cosa chi si timet, mémula / partes de is l.: tumbu, mancosa, mancosedha, cabitzinu (croba, loba: tumbu + mancosa); cuntzertu (su c.) = unu giogu, totu is tres cannas; launedha de forrani = pipiriolu de fenu Synonyms e antonyms bísonas, bisones, bísosas, cannas, trubedhas / grima Sentences sos pitzinnos andhabant a fàchere leonedhas a una tanca de trídicu ◊ su danesu Bentzon at fatu istúdiu abberu mannu subra de sas launedhas! ◊ tiu Frori fut su mellus sonadori de launedhas 2. zeo fia contrària po cudha leonedha chi mi aiat intrau in conca sa biada Scientific Terminology sjl Etymon ltn. ligulella Translations French instrument de musique à vent sard, à trois tuyau en roseau et la bouche comme réservoir d’air English launedhas (typical reed-pipe of Sardinia) Spanish instrumento músico de trés tubos típico de Cerdeña Italian spècie di zampógna tìpica sarda German sardische Hirtenflöte.

música , nf: músiga Definition sonu armoniosu, deghile, bellu a dh'intèndhere; istúdiu, iscritura e arte de su sonu; sa serenada, in tempus de fastígiu, po sa picioca: si cumponiat de su svegliamentu, mutetus de elógiu, su decraramentu, sa dispidida; genia de moidedha chi faent is gatos, unu pagu coment'e a sorrogadura Idioms csn: iscríere, cumpònnere, lèzere, istudiare, sonare, iscurtare m.; m. briosa = bella, chi piaghet, allegra Sentences música pagada fait malu sonu Translations French musique English music Spanish música Italian mùsica German Musik.

musicài , vrb: musicare Definition cumpònnere o iscríere sa música; andhare a cantare sa serenada a is bagadias, sonare a tzarachia po festas, cójuas e àteru 2. is giòvunus funt essius a musicai is piciocas Translations French mettre en musique English to set to music Spanish poner en música Italian musicare German in Musik setzen (um), vertonen.

«« Search again