aclarài , vrb: acrarai, acrarare 1, acrariai, acrariare Definition fàere a bíere, pònnere a craru, fàere ischire; èssere o fàere prus craru, cun prus lughe / a. una chistioni = crarire, ispiegare una chistione Synonyms e antonyms acrarire, ispalesare / isclarai, iscrarire Sentences sa luxi acrarat su scuriu ◊ dúbbiu predosu, súrbile malinna chi mi sughes su sutzu de s'aorta… acràrati: ite cheres? (G.Piga)◊ su beranu est giai acrarendusí ◊ s'aràngiu, candu su frutu si acrarat, s’iscerat si est de croxu grussu o fini ◊ po mei ita momentu tristu, chi no s’acrarit sa beridadi!(G.Pillai)◊ mi at tzirriau po acrariare sa chistione 2. sa diri est acrariendi ◊ bidia su sole acrariandhe sos paris e sos montigos Etymon srd. Translations French manifester, éclaircir English to disclose, to illuminate Spanish aclarar Italian palesare, rischiarare German offenbaren, klären.

averài , vrb: averare 1 Definition nàrrere, cufessare o passare sa beridade, atrogare chi una cosa est abberu; iscobèrrere, averguare Synonyms e antonyms ammítere, atorgare / abberguare | ctr. dennegare, necare Sentences Gesús at averau sa glória sua a tres discípulus ◊ issu dh'at averau: Gei seu dèu! ◊ Pàulu at averau su chi iant annuntziau is profetas (Atus)◊ averamí sa beridadi! ◊ su pipiu at averau, candu si dh'apu pregontau ◊ dh'apo fatu unu pregontu e za at averadu su chi mi aiat nadu su tale (Z.Porcu)◊ totu sunt innotzentes e no cherent averare!◊ apu furau: dh'averu de fronti a su tribbunali! 2. in s'antigóriu po averai sa diabbeta tastànt su lúciu Etymon itl. avverare Translations French manifester, témoigner English to manifest, to testify Spanish manifestar, atestiguar, admitir Italian manifestare, testimoniare, amméttere, confermare German ausdrücken, aussagen, zugeben, bestätigen.

«« Search again