Ditzionàriu in línia
de sa limba e de sa cultura sarda

ispramàu , pps, agt: isprammadu, spramau Definition de ispramare; nau de colore, chi est biu meda, tropu alligru, chi agiummai pigat a ogos / a s'isprammada = de pàrrere faghindhe sa sprama, morindhe de assuconu, de sa timoria, a boghes Synonyms e antonyms assantiau, assuconadu 2. che un'isprammadu so cúrridu a su dutore ca sa pitzinna istaiat male meda ◊ sa terra si li fit abberta innantis lassèndhelu tremèndhesi isprammadu ◊ boghes isprammadas as a intèndhere ◊ ispramau de sa timentza, su pastoredhu si fut fuiu cun totu is crabas 3. a sa muda piango a s'ispramada Translations French horrifié, épouvanté, vif English horrified, frightened, vivid Spanish horrorizado Italian inorridito, spaventato, vìvido German entsetzt, erschreckt, lebhaft.

ispreàu , pps, agt: ispriau, spreau Definition de ispreare; chi at pigau assíchidu mannu Synonyms e antonyms apantamau, assicau, interroridu, istremuntiu, spramau, spreluxiu 2. sas féminas, a gridas e a boches, ndhe suprint ispreadas e abrinadas biendhe sa pitzinna morta ◊ is piciochedhus fustus ispriaus de is aeroplanus chi passànt andendi a bombardai Translations French horrifié English terrorized, horrified Spanish aterrorizado Italian terrorizzato, inorridito German entsetzt.