Ditzionàriu in línia
de sa limba e de sa cultura sarda

àndhas , nf: àndhia, àndhias, àndia, àndua Definition genia de aparatu a pigare is santos chi bogant in crufessone: duos murales aunios de unu retàulu, chi andhet bene a dhu pigare in bàtoro (prus che àteru a codhu) Synonyms e antonyms letera, létia, peàngela, piàngia, prana 1 / panteus Idioms csn: èssere o pònnere in àndhia = portai in panteus, coment'e candu si portant is santus in prucissioni, allirgus, cument'e in festa; leare in àndhias = manera de leare a unu in duos faghíndhelu sere subra de sas manos intradas apare (cun d-una manu si aferrat s'àteru brussu, cun s'àtera unu brussu de su cumpanzu) Sentences Gesús iat nau a su màrtiru: Pesadindi, piga s'àndia e torra a domu tua! (Ev)◊ dh'iant betiu is malàidus in àndias ◊ in portessione leant su santu in s'àndhia 2. su binu niedhu de tiu Bustianu los ponzeit in àndhias ◊ est in àndhias, de sa cuntentesa! Etymon spn. andas, andias Translations French chaise à porteurs English sedan (chair) Spanish silla de manos Italian portantina, barèlla German Tragbahre.

cadíra , nf: carida, carira Definition genia de mobbília po cicire, artighina, a bàtoro peis e cun is palas Synonyms e antonyms cadrea Idioms csn: sètziri a c. = sere in cradea; sèdere in punta de cadira = a orighedhu, in s'ata; bènniri (o andai, èssiri) a c. sétzia = pònneresi deretu a manigare (o àteru), chentza fàghere nudha pro ndhe ammanitzare, andhare a faina fata; pigai a unu a cadiredha santa, a (o in) pala cadira, o a pala cardiga = zúchere a càtara, sétidu subra de sas manos intradas apare de àteros duos; c. de bratzus = a bratzos (pro arrumbare sos bratzos); aturai che Annica chentz'e c. = furcadu, ingannadu; cadiredhas = una creze de cambaredha minuda chi impreant fintzas pro aesca sos piscadores Sentences pícadi sa cadira e sede! ◊ at postu is cadiras totu a ingíriu de sa mesa ◊ parit cadira de paraímpiu, totu iscosciada!◊ is pipias furint giogandho cun is cosas chi si faent in domo, a pículas, cun is pipias de tzàpulu e faiant is telàrgios cun is cadiras po giogare a tèssere 2. est chi dèu apu portau ciorbedhu, si no iast fatu su chi boliast prima de ti cojai e femu aturara che Annica sentza de carira! ◊ séditi bene, che in domo tua, chi ses sétia in punta de cadira! 3. cussa est genti chi est a cadira sétzia! Scientific Terminology mbl Etymon ctl. cadira Translations French chaise English chair Spanish silla Italian sèdia German Stuhl.

cadrèa , nf: catrea, cradea, cradera, cratea Definition trastu, genia de mobbília po cicire, artighina, a bàtoro peis e cun is palas / min. cadreedha, cadreighedha, craderedha; genias de c.: fissa, a fórtighe (cun is peis intraos apare a scéscia cun assaedhu e su paris de artzare apalas, pertitindho deosi de dha serrare e chistire in pagu logu)/ portare a unu a palagadrea, a càtara, a catra = pigai a unu a cadiredha santa, a (o in) pala cadira (o a pala cardiga, a cadir’e oro), sétidu subra de sas manos de àteros duos intradas apare Synonyms e antonyms cadira Sentences lèadi sa cadrea a ti sere! ◊ so andhadu a domo sua ma no mi at porridu mancu sa cadrea! ◊ si nche pesat dae sa cratea inuve est séitu 2. mi so ammaculiadu in sa cadrea a tretos de ndhe rúere! Scientific Terminology mbl Etymon ltn. cathedra Translations French chaise English chair Spanish silla Italian sèdia German Stuhl.

cadreàtu , nm Definition móbbile po cicire, coment'e cadrea, a bratzos in costaos, fintzes po pigare unu malàidu ciciu Synonyms e antonyms cadreone Sentences ancu ndhe lu batant in cadreatu!… Etymon srd. Translations French chaise haute English big chair Spanish sillón Italian seggiolóne German Lehnstuhl.

cadreèdha , nf Definition min. de cadrea, cadira pitichedha (sa de duas /e/, cussa de su sufissu, no s'intendhet e po cussu su foedhu est fintzes iscritu cun d-una sola)/ min. cadredhutza Synonyms e antonyms cadreighedha, catriedha Sentences intro a coghina e mi tratenzo solu cun d-una cadredhutza iscarrugada (P.Zenzero) Translations French petite chaise English small chair Spanish sillita Italian seggiolina German kleiner Sthul.

cadreighèdha , nf Definition min. de cadrea, cadira pitichedha Synonyms e antonyms cadreedha Translations French petite chaise English small chair Spanish sillita Italian seggiolina German kleiner Stuhl.

cadreòne , nm: cadregone Definition cradea manna, mescamente de unu logu comente est una crésia, unu tribbunale, inue cicit un'autoridade Synonyms e antonyms cadirone, cadreatu, cadreolu Translations French chaise haute English big chair Spanish silla grande Italian seggiolóne German Lehnstuhl.

cadrigòni , nm Synonyms e antonyms cadirone, cadreatu Translations French chaise haute English big chair Spanish silla grande Italian seggiolóne German Lehnstuhl.